Aimar Morgaetxebarria, 19 urte
Uztailak 16, Karmen eguna, arratsaldeko 6retan, Amorebieta IV frontoian, zornotzar gazte honen debuta ikusiko dugu. Eta partidu ederra gainera, Unai Laso izango du alboan, gaur egungo Txapelduna, eta aurrean Urrutikoetxea eta Elizegi. “Amestutako debuta da niretzat, nire herrian, familia eta lagunen aurrean, Karmen egun batean eta frontoia gainezka. Zoragarria. Oso pozik eta irrikitan nago”.
Amorebieta-Etxanoko Lagun Onak Pelota Elkartean hazitako pilotariak urte birako kontratua sinatu du Baiko Pilotarekin. Pilotari gazte honek profesionaletara iritsi orduko, torneo garrantzitsuak irabazi ditu afizionatuetan, Zaldibarko Torneoa eta Diario Vasco, besteak beste.
Orain profesionaletan egingo du debuta. “Urtero joan izan naz frontoira Karmen egunean. Familiagaz, aitite ta amamagaz, gero klubeko lagunekin…eta orain pilotari moduan.Aititek ez dau sinisten oraindik, baina oso pozik dago. Nik baino ilusio handiagoa dauka”.
Giro ederra espero da egun horretan. Atzelari zornotzarrak gustokoa du zarata eta animazioa. “Jendez gainezka egongo da frontoia eta gozatzea da nire asmoa. Gero afaltzera joango naz lagunegaz. Ahaztu ezinezkoa izango da”.
Injenieritza ikasken ari da Aimar. Orain pilotari profesionala bihurtuko da eta guk une hori bizitzeko gonbidapena dugu.
Aupa Aimar!!!
