• Amorebieta-Etxanoko Udalak antolatutako lehiaketa honetan lau kategoriatan izan ohi dira sarituak; aurten ordea, aipamen bereziko bi sari ere banatu dira, erakutsitako maila altuaren adierazle.
Teknologia berrian laguntzarekin gazteen artean euskarazko irakurketa sustatzea helburu duen Booktuberlehiaketa jarri zuen martxan 2019an Amorebieta-Etxanoko Udaleko Euskara Zerbitzuak. Aurtengo edizioan 131 ikaslek eta 68 taldek hartu dute parte, lau kategoriatan banatuta: Lehen Hezkuntzako 5. eta 6. maila, 1. eta 2. DBH, 3. eta 4. DBH eta Batxilergoa. Udalak aste honetan bertan egin du sari-banaketa, eta lau kategoriatako saridunez gain, aipamen bereziko beste bi sari ere banatu ditu, erakutsitako maila altuaren erakusle:
1. Kategoriako irabazlea (LH 5-6): Izaro Esturo
1. Kategoriako aipamen berezia (LH 5-6): Mikel Agirre
2. Kategoriako irabazlea (DBH 1-2): Olatz Bezi, LezuriKobeaga eta Paule Rodriguez
3. Kategoriako irabazlea (DBH 3-4): Naroa Gonzalez
3. Kategoriako aipamen berezia (DBH 3-4): Paule Romano
4. Kategoriako irabazlea (Batxilergoa): Igor Miguel
