Zornotzan

Albisteak

Panel fotovoltaikoak

• Amorebieta-Etxanoko Udalak eguzki-panel fotovoltaikoak jarriko ditu Larreako eskoletan, Luis Urrengoetxearen eskolaurreko eskoletan eta Larrea kiroldegian. Inbertsioa 265.000 eurokoa izango da, eta urtearen amaieran instalatzea aurreikusten da.

Amorebieta-Etxanoko Udalbatzak onartu du hiru udal eraikinetan (Larreako eskolak, Luis Urrengoetxearen eskolaurreko eskolak eta Larrea kiroldegia) eguzki-panel fotovoltaikoak jartzeko obrak lizitatzeko aurrekontua aldatzea. Aurreikusitako inbertsioa 265.000 eurokoa izango da, eta instalazioa urtearen amaieran egitea aurreikusten da. Esther Torvisco Agenda 2030eko zinegotziak azaldu duenez, Amorebieta-Etxanoko Udalak «udalerri jasangarriagoa» eraikitzeko apustua egiten jarraitzen du. «2030 Agendaren Garapen Iraunkorreko Helburuekin lerrokatuta lan egiten dugu, eta energia berriztagarriak bultzatzeko konpromisoa berresten dugu, hiru eraikin publikoren eraginkortasun energetikoa sustatuz», nabarmendu du zinegotziak.

Torviscok adierazi du hiru eraikin publiko horiek aukeratu izanaren zergatia: «Hiru eraikinek sabai handi zuzenak dituzte, mota horretako instalazioetarako aproposak». Ildo horretan, hiru proiektu egin dira eguzki-panelak instalatzeko, eta, inbertitzaile bat edo gehiago jarriko dira, sortutako korronte zuzena korronte alternoa bihurtzeko. Sortutako energia, batez ere, dagokion instalazioa dagoen eraikinean kontsumituko da.

Energia-aprobetxamendua

Energia-soberakinik balego, inguruko beste udal-instalazio batzuetan kontsumitzeko aukera izango da. «Plaka fotovoltaikoei esker, energiaren eta gastu publikoaren erabilera adimentsua eta iraunkorra egingo da, eta eraikin horien burujabetasunenergetikoa eta kudeaketa eraginkorra ahalbidetuko dira», nabarmendu du Agenda 2030eko zinegotziak.

Udalak plaka fotovoltaikoko 72 modulu jarriko ditu Larreako eskoletan, 30 Kw-ko potentzia nominalarekin eta urtean 37.110Kwo inguru sortuko ditu. Luis Urrengoetxearen eskolen kasuan, 144 modulu jarriko dira eta potentzia nominala 60 Kw-koa izango da; horrela, instalazio horrek urtean 71.170 Kwoinguru sortzea espero da. Eta, azkenik, Larreako kiroldegirako energia sortuko duen 234 moduluko instalazioak 100 Kw-ko potentzia nominala izango du eta urtean 119.600 Kwo-ko energia sortzea ahalbidetuko du. «Aurreikusitako instalazioei esker, Amorebieta-Etxanoko Udalak 227.880Kwo energia sortuko du modu jasangarrian», gaineratu du Torviscok.

+ Irakurri

HILERO 384-001

Pausa presentó su nueva revista el día 28 de Mayo en el Zornotza Aretoa, en un acto lleno de emoción presentado por Larraitz García. El numero 384-001 del Hilero, que sorprendió por su nuevo look, tuvo una magnífica puesta de

Llega el XVII Festival Internacional de Música de calle Haizetara

Amorebieta-Etxano se prepara para una nueva edición del Concurso Internacional de Música de Calle Haizetara en la que participarán nueve bandas de diferentes países y estilos musicales El festival dará comienzo el 21 de junio a las 19:00 en el

Gaueko autobus zerbitzua antolatu du beste urte batez Amorebieta-Etxanoko Udalak bailarako udako jaietatik etxera itzultzeko

Arratiako Udalen Mankomunitatearekin eta Galdakaoko Udalarekin batera eskainiko du garraio zerbitzua gazteek festez gozatu eta kezkarik gabe bueltatu ahal izateko. Amorebieta-Etxanoko Udalak, Arratiako Udalen Mankomunitatearekin eta Galdakaoko Udalarekin batera jaietatik etxera bueltatzeko gaueko autobus zerbitzua antolatu du udako hilabeteetarako. Gazteak