“Mendian nahi dudan kolorekoa bihur naiteke; ahotsak hautatu zein itzalak asmatu. Errege txiki bat naturaren erresuman: noiznahi arrano, noiznahi suge, noiznahi lore…Mendia da nire unibertsoa, nire sorkuntzen irla jostalaria. Hau da hau norberaren konkista konstantea!
Unai Ormaetxea idazle zornotzarra eta Alex Txikon egon ziren Durangoko azokan egin zen liburuaren aurkezpenean. Eta atenzioa piztea lortu zuten, eta ez da gauza erreza Durangon batzen diren nobedadeen artean burua ateratzea.
Unai Ormaetxeak azaldu zituen liburu honen zehaztasunak. “Ez da biografia bat. Liburu osatuago bat egin nahi izan dogu. Bizitza ikuspegi bat. Kapitulo guztietan mendia eta bizitzaren paralelismoa dago. Erlijioa, bakartasuna, gaitzak, egoak, natura, emozioak; beldurra, poza, urduritasuna… Protagonista bakarra Alex da eta bere motxila. “Menditazioak”, mendia eta meditazioak, hitz berri bat asmatu du idazle zornotzarrak. Liburu eredugarria dela dio Unaik.
Liburu honetan Everestera joango gara Alex Txikonekin batera. Oxigeno barik eta negu betean heldu nahi du munduko gailu¬rrera. Baina igoera horretan bere pentsamenduek erakutsiko di¬gute mendia ez dela lehia, ez dela inorekiko erronka eta, aldiz, garrantzitsua dela zelan joaten garen, zerk bultzatzen gaituen, nola jokatzen dugun. Bidea urratu ahala bizitzaz, naturaz eta he¬rriaz hamaika gogoeta, bizipen eta pasadizo azalduko zaizkigu. Mendia izan baitaiteke batera zoriontasuna eta sufrimendua, laguntasuna eta bakardadea, zirimola eta aingura, pizgarria eta motela. Dena bukatu eta hasten den lekua.
Gazteentzako nahiz helduentzako liburu kitzikagarria. Ilustrazioak César Llagunorenak dira.
