Zornotzan

Kirolak

Morgaetxebarriak eskuz binakako promozio txapelketan parte hartuko du

– Txapelketa ostiralean hasiko da eta apirilaren 1ean amaituko da Iruñeako Labriteko finalarekin

– 14 jardunaldi izango ditu sailkapen ligak, playoffetako bi partida jokatuko dituzte, eta hiru jardunaldi izango ditu finalerdietako ligak

Bakaikoa-Morgaetxebarria, txapela irabazten saiatuko dira

Baikok eta Aspek gaur goizean aurkeztu dituzte 2023ko Binakako Promozio Txapelketa irabazten saiatuko diren zortzi bikoteak. Baikoko lau bikote eta Aspeko beste lau saiatuko dira txapela janzten apirilaren 1ean Labriten jokatuko den finalean.

Baiko Pilotak bere koadroko lau bikote hauek aukeratu ditu txapela lortzeko asmoz: Agirre-Iztueta, Bakaikoa-Morgaetxebarria, Larrazabal-Eskiroz eta Zubizarreta III-Elizegi.
ASPE Pelotak aukeratu dituenak hauek izan dira: Egiguren V-Erostarbe, Exposito-Bikuña, Salaberria-O.Etxebarria eta Zabala-Gaskue.

Ostiral honetan, Azkoitian emango diote hasiera lehiaketari Salaberria-O.Etxebarriak eta Zabala-Gaskuek. Larunbatean, Bakaikoa-Morgaetxebarriak eta Zubizarreta III-Elizegik jokatuko dute elkarren aurka Bartzelonan; igandean Agirre-Iztueta eta Larrazabal-Eskiroz izango dira aurrez aurre Tolosan; eta azaroaren 30ean, Eibarren, Egiguren V-Erostarbe eta Exposito-Bikuña saiatuko dira aurreneko puntua eskuratzen.

Etzi, ostiralean, Azkoitian hasi eta apirilera bitartean luzatuko da Eskuz Binakako Promozio Txapelketa. Zazpi jardunaldiko bi itzuli, orotara hamalau jardunaldi jokatuko dituzte pilotariek sailkapen ligan. Bi bikote onenak zuzenean sailkatuko dira finalerdietako ligara eta hirugarren eta seigarren postuen artean sailkatuek playoffak jokatu beharko dituzte aurrera egin ahal izateko. Finalerdietako ligak hiru jardunaldi izango ditu eta final handia Labriten izango da apirilaren 1ean. 

Aurreneko jardunaldietako jaialdietarako sarrerak entradasfronton webgunean eskuratu daitezke jadanik.

+ Irakurri

Harrera ona izan dute Amorebieta-Etxanoko emakumeen osasuna eta kirola sustatzeko jarduerek

Ekimen hau Emakumeen Osasunaren Nazioarteko Ekintza Egunarekin bat etorri zen, eta udalerriko elkarte, kirolari eta herritar ugari bildu zituen, Udalak emakumeen artean osasuna eta kirola sustatzeko duen konpromisoa islatuz. Joan den igandean, ekainaren 2an, Amorebieta-Etxanoko Udalak jarduera jardunaldi arrakastatsua egin

Rekalde, Ibarluzea eta Gaminde dira Master Kaiolako txapeldunak

Master Kaiolako bederatzigarren edizioak aurtengo txapeldunak ezagutuko ditu, bi pilotari bizkaitar eta gipuzkoar bat. Larunbat arratsaldea emakumezkoen mailako neurketarekin hasi zen eta Enara Gaminde (Lea Ibarra) izan zen txapelduna Goiuri Zabaleta (Aurrera Leiza) 22 eta 1 garaituta. Ikuskizun handia espero

MAREAMORE NFK

Zornotzako Nesken Futbol Kluba Mareamore NFK Zornotzako eta inguruko kadete mailako (14-18 urte) neska futbol jokalarientzako sortu den kluba da. Oraindik harritzen gaitu gurea bezalakoa den herri batean neskentzako futbol talderik ez egotea; edo behintzat nesken futbolari jarraikortasuna ematen dion