Amorebieta-Etxanoko Udalak
bi dirulaguntza jarri ditu abian
• Laguntzetako batek helburu du udalerrian, merkataritza esparruan, errotuluak, web-orriak eta korporazioaren irudiak euskaraz jartzea; bestea, euskararen erabilera sustatzeko jarduerak egiten dituzten elkarteei dago zuzendua.
Amorebieta-Etxanoko Udalak bi dirulaguntza deialdi argitaratu ditu herrian euskararen erabilera sustatzeko helburuarekin.
Merkataritza esparruan errotuluak, web-orriak eta korporazioaren irudiak euskaraz
Laguntzetako bat 2023ko ekitaldian udalerrianmerkataritza esparruan errotuluak, web-orriak eta korporazioaren irudiak euskaraz jartzera dago bideratua. Eskaera egiten duten pertsonak onuraduntzat hartuko dira, baldin eta egoitza Amorebieta-Etxanon duten Merkataritza eta Ostalaritza establezimenduetako arduradunak badira. Udalak, gehienez 2.500 euro bideratuko ditu.
Euskararen erabilera sustatzeko jarduerak egiten dituzten elkarteentzat
Bigarren laguntza 2023ko ekitaldian euskaren erabilera sustatzeko jarduerak egiten dituzten elkarteei dago zuzendua. Onuradunak izateko baldintzak dira: irabazteko asmorik gabeko Erakunde edo Elkartea izatea, legez eratua, Amorebieta-Etxanoko udal erregistroan izena emanda dagoena eta jarduerak Udalerrian egiten dituztenak. Era berean, beharrezkoa izango da udalerrian erroldatuta dauden pertsona fisikoak izatea, noizbehinkako ekimenez irabazteko asmorik gabeko talde baten ordezkari partikularrak direnean. Udalak jakinarazi du, deialdi honetatik kanpo geratuko direla eskolak eta ikastetxeak. Deitutako dirulaguntzarako, gehienez, 5.000 euro bideratuko dira.
Eskabideak
Aipatutako laguntzen eskabidea udal webgunean eskura daiteke, tramiteak atalaren Izapideen liburuan; edo paperean Amorebieta-Etxanoko Udaleko HAZen(Herritarren Arreta Zerbitzua):
