Zornotzan

Albisteak

Zornotzako EAJk gure ekimen politikoak bereak bailiran aurkezten dituela salatzen dugu EH Bilduk, PSE-EEk eta Elkarrekin Amorebietak

Zornotzako EAJk gure ekimen politikoak bereak balira bezala aurkezten dituela salatu nahi dugu EH Bilduk, PSE-EEk eta Elkarrekin Amorebietak. Gainera, bere propaganda politikorako erabiltzen ditu Udaletxean lizitatutako proiektuen argazkiak eta infografiak.

Argiteria publikoa indartzeko ekimena da adibideetako bat, berdintasun-batzordeak aurreko legegintzaldian sakon landutako proposamena delarik. Antzeko zerbait gertatzen da Zubipunte, Zubizabala eta Zubikurtze lotuko dituen oinezkoen pasabidearekin. Izan ere, joan den apirilaren 18an argitaratu zen ekimena azken bi legegintzaldietan hiru talde politikook hainbat lan-gunetara eraman dugun proposamena da, gobernu-taldeak sistematikoki baztertu duena.

Berdina gertatu da Zelaietako jolas-parkea estaltzekoproiektuarekin: proposamen hori behin eta berriz errepikatu da aurrekontu parte-hartzaileetan, baina bideraezintzat jo izan dute garajeen uholde-arriskuagatik.

Gainera, azpimarratu nahi dugu, behin baino gehiagotan egin dugun bezala, Udalaren proposamenetan gainontzeko 3 alderdiok ere parte hartzen dugula, eta ekimen horiek hauteskunde-kanpainaurrean ohikoak diren proposamen alderdikoietatik bereizi behar direla.

Era berean, salatu nahi dugu Zornotzako Udalean lizitatutako lanetatik ateratako irudien erabilera ez dela zilegia hauteskunde-programa alderdikoi bat puzteko, proiektu horiek diru publikoarekin finantzatu baitira, eta ez alderdi politiko baten finantzaketarekin.

Horrenbestez, EAJren Gobernu Taldeak guztionak diren baliabideen kudeaketa arduratsua egitea eskatzen dugu.

EH BILDU ZORNOTZA | PSE-EE | ELKARREKIN AMOREBIETA

+ Irakurri

Gaueko autobus zerbitzua antolatu du beste urte batez Amorebieta-Etxanoko Udalak bailarako udako jaietatik etxera itzultzeko

Arratiako Udalen Mankomunitatearekin eta Galdakaoko Udalarekin batera eskainiko du garraio zerbitzua gazteek festez gozatu eta kezkarik gabe bueltatu ahal izateko. Amorebieta-Etxanoko Udalak, Arratiako Udalen Mankomunitatearekin eta Galdakaoko Udalarekin batera jaietatik etxera bueltatzeko gaueko autobus zerbitzua antolatu du udako hilabeteetarako. Gazteak

Ekainaren 6an zabalduko da Amorebieta-Etxanoko haur danborradan izena emateko epea

Amorebieta-Etxanoko haur danborrada tradizio handiko ekitaldia izan ohi da Amorebieta-Etxanoko jaietan. Uztailaren 26an ospatuko da eta bihartik hasita ekainaren 14ª bitarte zabalik egongo da izena emateko epea. Danborradan parte har dezakete 5 eta 13 bitarteko haurrek (2011-2019 artean jaiotakoak). Interesdunek

‘ARGENTINA’ Irati Lezama

Iratik beti izan du argi psikologa izan nahi zuela. Horregatik, karrera Deustun eta Masterra Donostian egin ondoren, Buenos Airesera itzultzea erabaki zuen (aurretik han ikasten aritu baitzen), lanera eta batez ere bere formakuntza aberastera. Pozik etorri zen Erasmuseko hilabeteetan Argentinan