Zornotzan

Albisteak

Zaintzaileei zuzenduta ‘Memoriaren entrenamendua’ tailerra izango da martxoan

  Tailerra bost saiok osatzen dute eta martxoko asteazkenetan emango da, 16:30etatik 18:00etara. Ekimena Amorebieta-Etxanoko Udalaren ‘Zainduz Programa: zaintzaileentzako zaintza’ programaren parte da.

Amorebieta-Etxanoko Udaleko Gizarte Ekintza Sailak tailer berri bat antolatu du martxoan, zaintzaileei zuzendua: ‘Memoriaren entrenamendua’. Tailerra ‘Zainduz Programa: zaintzaileentzako zaintza’ programaren parte da, eta mendeko egoeran dauden senitartekoak zaintzen edota laguntzen dituzten pertsonei laguntzea du helburu. Hauek euren denbora eta energia bideratzen dute zaintzara, lan gogorra, ezkutukoa eta, gutxitan aintzat hartzen dena.

Garunaren zahartzea prebenitzeko erronkak

Tailerrak bost saio izango ditu, eta martxoaren 1etik 29ra eskainiko da, asteazkenetan, 16:30etatik 18:00etara. Helburua da, erronka eta jarduera entretenigarrien bidez, garunaren zahartzea prebenitzen laguntzea. Horiei esker, zaintzaileek memoria aktibo mantentzen ikasiko dute, eta inguruarekin eta hura ulertzeko moduarekin lotutako funtzionamendua ulertuko dute. Horrela, tailerra zuzendua dago beren memoriarekin kezkatuta dauden pertsonei, edo, besteak beste, arretarekin, kontzentrazioarekin, hizkuntzarekin, arrazoiketarekin, orientazioarekin edo ikusmen-espazioko trebetasunekin lotutako edukiak landu nahi dituzten pertsonei.

Izen-emate eta informazioa

Tailerra Nafarroa Zentroan emango da, eta interesa dutenek izena eman edo informazioa eskatu ahal izango dute HAZen telefonoaren bidez (94 630 00 02) edo posta elektroniko bat bidaliz zainduz@amorebieta.eus helbidera. Tailerra doakoa da eta izena emateko epea otsailaren 24ra arte egongo da zabalik.

+ Irakurri

Gaueko autobus zerbitzua antolatu du beste urte batez Amorebieta-Etxanoko Udalak bailarako udako jaietatik etxera itzultzeko

Arratiako Udalen Mankomunitatearekin eta Galdakaoko Udalarekin batera eskainiko du garraio zerbitzua gazteek festez gozatu eta kezkarik gabe bueltatu ahal izateko. Amorebieta-Etxanoko Udalak, Arratiako Udalen Mankomunitatearekin eta Galdakaoko Udalarekin batera jaietatik etxera bueltatzeko gaueko autobus zerbitzua antolatu du udako hilabeteetarako. Gazteak

Ekainaren 6an zabalduko da Amorebieta-Etxanoko haur danborradan izena emateko epea

Amorebieta-Etxanoko haur danborrada tradizio handiko ekitaldia izan ohi da Amorebieta-Etxanoko jaietan. Uztailaren 26an ospatuko da eta bihartik hasita ekainaren 14ª bitarte zabalik egongo da izena emateko epea. Danborradan parte har dezakete 5 eta 13 bitarteko haurrek (2011-2019 artean jaiotakoak). Interesdunek

‘ARGENTINA’ Irati Lezama

Iratik beti izan du argi psikologa izan nahi zuela. Horregatik, karrera Deustun eta Masterra Donostian egin ondoren, Buenos Airesera itzultzea erabaki zuen (aurretik han ikasten aritu baitzen), lanera eta batez ere bere formakuntza aberastera. Pozik etorri zen Erasmuseko hilabeteetan Argentinan