Zornotzan

Albisteak

Seme-alaben jaiotzagatik edo adopzioagatik dirulaguntza eskatzeko

•  Laguntza 2022ko urriaren 30a eta 2023ko azaroaren 23abitartean izandako jaiotza edo adopzio berriei dago zuzendua, eta helburua da seme-alabek sor ditzaketen premiei erantzutea eta behar horien erosketak udalerriko merkataritza establezimenduetan egitea sustatzea; 2023ko dirulaguntza partida 50.000 eurokoa izango da.•  2022an, Udalak 100 familiari eman zien laguntza ekonomikoa, eta 39.000 euro bideratu zituen.

Amorebieta-Etxanoko Udalak 2023ko deialdia ireki du udalerrian bizi diren familiek seme-alaben jaiotzagatik edo adopzioagatik dirulaguntza eskatzeko aukera izan dezaten. Horrela, Udalak diruz laguntzen jarraituko du, familia handitzeak eragindako gastuei aurre egin behar dieten herritarrei laguntzeko, eta erosketak herriko merkataritza establezimenduetara bideratzeko. 2023ko dirulaguntzarako partida 50.000 eurokoa izango da.

Laguntza 2022ko urriaren 30a eta 2023ko azaroaren 23abitartean izandako jaiotza edo adopzio berriei dago zuzenduta. Era berean, Udalak jakinarazi du, jaiotza edo adopzio anizkoitzen kasuan, haur bakoitzeko emango delalaguntza; 400 euro artekoa izango da bakoitzeko.

Dirulaguntzaren helburua da jaioberriaren edo adoptatuaren beharrak asetzea; hala, gastua Amorebieta-Etxanon dauden denda txiki hauetako batean egin beharko da: tokiko farmaziak; haurrentzako arropa-dendak; etxerako artikuluen eta haurrentzako osagarrien dendak; eta oro har oinarrizko beharrizanak asetzeko, hala nola elikagaiak edo higiene-produktuak. Hori horrela, Udalak gogorarazi du ezin izango dela eskatu laguntza haurra zaintzeko langileak kontratatzeko.

Interesdunek aurrez aurre egin ahal izango dute eskaera HAZen edo online www.amorabieta-etxano.eus webgunearen egoitza elektronikoan. Hiru hilabeteko epea izango dute eskaera egiteko, jaiotza-datatik edo adopzioa eratzeko ebazpen judiziala edo antzeko dokumentua jakinarazten denetik, deialdia argitaratu eta hurrengo egunetik hasita. Erantzuna gehienez lau hilabeteko epean jakinaraziko da, eta behin ebazpena jasota, ordainketa kuota bakarrean egingo da, hilabeteko epean.

+ Irakurri

Gaueko autobus zerbitzua antolatu du beste urte batez Amorebieta-Etxanoko Udalak bailarako udako jaietatik etxera itzultzeko

Arratiako Udalen Mankomunitatearekin eta Galdakaoko Udalarekin batera eskainiko du garraio zerbitzua gazteek festez gozatu eta kezkarik gabe bueltatu ahal izateko. Amorebieta-Etxanoko Udalak, Arratiako Udalen Mankomunitatearekin eta Galdakaoko Udalarekin batera jaietatik etxera bueltatzeko gaueko autobus zerbitzua antolatu du udako hilabeteetarako. Gazteak

Ekainaren 6an zabalduko da Amorebieta-Etxanoko haur danborradan izena emateko epea

Amorebieta-Etxanoko haur danborrada tradizio handiko ekitaldia izan ohi da Amorebieta-Etxanoko jaietan. Uztailaren 26an ospatuko da eta bihartik hasita ekainaren 14ª bitarte zabalik egongo da izena emateko epea. Danborradan parte har dezakete 5 eta 13 bitarteko haurrek (2011-2019 artean jaiotakoak). Interesdunek

‘ARGENTINA’ Irati Lezama

Iratik beti izan du argi psikologa izan nahi zuela. Horregatik, karrera Deustun eta Masterra Donostian egin ondoren, Buenos Airesera itzultzea erabaki zuen (aurretik han ikasten aritu baitzen), lanera eta batez ere bere formakuntza aberastera. Pozik etorri zen Erasmuseko hilabeteetan Argentinan