Aste Santuetako atsedenaldiaren ostean, Arratiako txoko ezkutuak ezagutzeko ibilaldiak datoz berriro ere,
udaberriko Ibiliaz Ezagutu programaren eskutik
• Hurrengo ibilaldiak maiatzaren 6an eta 13an izango dira, eta parte hartzeko aldez aurretik izena eman behar da.
Aste Santua igarota daukagun honetan, Amorebieta-Etxanoko Udalak Ibiliaz Ezagutu ekimenaren udaberriko bigarren atalari ekingo dio, Arratiako txoko ezkutuak ezagutzea helburu duena. Arratiako txoko ezkutuak ezagutzea du helburu oraingo edizioak, inoiz ikusi gabeko tokiak erakutsiaz partaideei. Irteera guztiak goizeko 08:00etan abiatuko dira Nafarroa parkinetik. Bestalde, antolatzaileek gogorarazi dute ibilbideak azken unean moldatu daitezkeela, hauek egokiagoak edo ederragoak izate aldera.
Zailtasun ezberdinetako ibilbideak
Apirileko atsedenaldiaren ostean, hurrengo irteera maiatzaren 6an izango da, zailtasun ertaineko 14 kilometro Zeanuri eta Artea artean. Ibilbidean zehar parte-hartzaileek basoak, landak eta ur jauziak zeharkatu eta ikusiko dituzte, guztia, gurutzearen begiradapean. Hala, mendi inguruetako bide ezkutu eta bakartietan barrena emango dute goiza.
Azken ibilaldian, maiatzaren 13koan, etxera buelta egingo dute parte-hartzaileek: zailtasun ertain-zaileko 16 kilometro, Igorre eta Amorebieta-Etxano artean. Mendi tontor esanguratsuenak zapaldu eta gero, Amorebieta-Etxanora buelta egingo dute parte-hartzaileek.
Izen–ematea, zabalik
Irteera hauetan parte hartu nahi dutenek izena eman beharko dute aldez aurretik, Zelaieta Zentroan, horretarako azken eguna irteera bakoitzaren aurreko osteguna izanik. Prezioa 8 euroko da irteera bakoitzeko eta beharrezkoa da Ametx txartela izatea.
