Zornotzan

Kultura

Euskaraldia aurkeztu da Zornotzan!

20:00etan Pike Parketik abiatuta, kalejira koloretsu eta musikatua egin dute plazaz plaza, Euskaraldiaren “pregoi ibiltaria” lau haizetara zabalduz.
Euskaraldia antolatzeko batzordea martxoan hasi zen, eta, bertan, 30 herritar baino gehiagok parte hartzen du gaur egun. Orain arte, Euskaraldia herrian sozializatzen ibili dira: pankartak eskegi, eskuorriak banatu, herriko elkarteekin bilerak egin…

Baina zer da Euskaraldia?
Azaroaren 23tik abenduaren 3ra arte, euskaraz hitz egiten edo ulertzen dugun guztion artean euskaraz egingo dugu. Euskal Herri osoan egingo den ariketa bat da.
Nork antolatzen du?
Euskal Herriko erakunde nagusiak, euskalgintza eta herri-mugimendua elkartu dira ekimen hau antolatzeko: Euskaltzaleen Topagunea, Eusko Jaurlaritza, Nafarroako Gobernua, Aldundiak, AEK, Kontseilua, UEMA, Berria, EHU… Amorebieta-Etxanoko Udalak ere parte hartuko du.
Zelan egingo dugu?
Bi rol izango ditugu aukeratzeko: ahobizi eta belarriprest. Ahobiziek euskaraz egingo dute euskara ulertzen duten guztiekin (nahiz eta batzuetan solaskideak erdaraz erantzun). Belarriprestek euskaraz ulertzen dute, eta eurei euskaraz egitea eskatuko dute, nahiz eta batzuetan erdaraz erantzun. Beraz, parte-hartzeko ezinbestekoa da euskaraz ulertzea.
11 egun horietan, txapa bat eramango dugu soinean. Horrela, jendeak jakingo du “Ahobizi” edo “Belarriprest” garen.
Hau guztia zertarako?
Ariketa honekin gure inguruko pertsonekin ditugun inertziak apurtuko ditugu. Ohitura berriak sortzen baditugu, euskararen erabilera handitzea lor dezakegu. Probatzeko prest?
Zer egin behar da parte hartzeko?
Euskaraldian parte hartzeko izena eman beharko da, irailaren 20tik aurrera. Rola aukeratu beharko da, eta konpromisoa hartu: 11 egunetan euskaraz egingo dut!


WWW.ZORNOTZARRAK.EUS webgunea sortu da, eman izena!

Zornotzarron komunitate digitala sortu da! Euskaraldian parte hartuko duzu? Ahobizi edo belarriprest izango zara? Zornotzan parte hartuko duten auzokideak nortzuk diren jakin gura duzu? Bada, sartu www.zornotzarrak.eus webgunera eta eman izena!
Webgune honetan aukera izango duzu EUSKARALDIAn parte hartzeko eta zure rola aukeratzeko: Ahobizi edo Belarriprest. Horrez gain, Zornotzan Euskaraldiarekin lotuta antolatzen diren ekimenen berri ere bertan izango duzu. Gainera, Facebook eta Twitter kontuak ere topatuko dituzu; egin gure garraitzaile.
Eman izena www.zornotzarrak.eus webgunean eta igo zure argazkia!

+ Irakurri

‘BELATXIKIETAKO ERMITAREN 75. URTEURRENA’ Juan Martin Iriondo Yurrebaso

Hurrengo belaunaldietarako ermita hori non, zer eta zergatik dagoen azaltzeko helburuarekin, 110 lekukok osatutako ikerketa emaitza da ‘75 urte Zazpitxaboletan’. Orain dela 75 urte Zazpitxaboletan ermita egin zen. Bai, gutxi batzuek bakarrik dakite Belatxikietako azpiko zelaiak Zazpitxaboleta izena duela. Izen

Enrike Renteria Pintura Lehiaketaren XXVI. edizioa

Igande honetan, uztailaren 7an, berriro ospatu zen Enrike Renteria pintura lehiaketa. Zornoza Arte eta Kultur Elkarteak antolatuta eta Amorebieta-Etxanoko Udalaren laguntzarekin, Enrike Renteria pintura lehiaketa aurten bere bi modalitatetan egin da: Zintzilik. Herriko balkoietan zintzilik ikusgai egongo diren loneta margotuak

Musikaren Europako Egunarekin bat egingo du Amorebieta-Etxanok hainbat kontzertu eta musika-jarduerekin

Musika Bulegoak antolatutako programaren baitan emanaldi eta musika-jarduera desberdinak eskainiko dira ekainaren 19an eta 20an. Ekainaren 21ean Musikaren Europako Eguna ospatzen da. Hori dela eta, Musika Bulegoak, kultur eragileekin eta erakundeekin batera, musika-jarduerak eta -emanaldiak antolatu ditu Bizkaiko, Gipuzkoako eta