Zornotzan

Kultura

Amorebieta-Etxanoko liburutegiak herritarrek koronabirusari buruz egindako lanak ikusgai izango ditu

• Proiektuak herritarrak animatu nahi ditu marrazki eta ipuin laburren bidez egun hauek nola bizi dituzten azal dezaten eta zeintzuk diren sortzen diren emozioak.
• Liburutegiak jasoko diren lan guztien artean batzuk aukeratu eta Zelaieta Zentroan ikusgai jarriko ditu alarma egoera amaitzen denean.

Amorebieta-Etxanoko Udalak erakusketa bat antolatuko du zornotzarrek koronabirusa dela-eta egindako sorkuntza lanekin. Proiektu honen bidez, liburutegiak herritarrak animatu nahi ditu beraien sentimenduak adieraztera, isolamendua jasangarriago egiteko. Aldi berean, une honetan bizi dugun egoerari aurre egiteko herritarrek dituzten modu desberdinak ikusaraziko dira.
Nahi duten guztiek parte har dezakete eta beraien sorkuntza lanak bidali. Adibidez, umeek parte har dezakete eta marrazkiak bidali isolamendua nola bizi duten adieraziz, nola jolasten duten, zer irakurtzen duten, eguna nola pasatzen duten, etab. Aldi berean, nagusiei ipuin laburrak idaztea proposatzen zaie, egoera honetan azaleratzen diren sentimenduak azalduz: elkartasuna, asperdura, estutasuna, kooperazioa, etab. Proiektua irekia da eta edozein motatako sorkuntza ekarpenak egin daitezke.
Liburutegiak jasotako lan guztien artean batzuk aukeratuko ditu eta Zelaieta Zentroan ikusgai jarriko ditu, herria normaltasunera bueltatzen denean eta herritarrak bertaratzen direnean ekimen honen bidez beraien bizipenak islatuta ikus ditzaten.
Lanak e-posta bidez bidali daitezke ondoko helbidera: liburutegia@amorebieta.eus Zentroak parte hartzera animatu nahi zaituzte eta aldez aurretik eskerrak eman nahi dizkizue.

+ Irakurri

‘BELATXIKIETAKO ERMITAREN 75. URTEURRENA’ Juan Martin Iriondo Yurrebaso

Hurrengo belaunaldietarako ermita hori non, zer eta zergatik dagoen azaltzeko helburuarekin, 110 lekukok osatutako ikerketa emaitza da ‘75 urte Zazpitxaboletan’. Orain dela 75 urte Zazpitxaboletan ermita egin zen. Bai, gutxi batzuek bakarrik dakite Belatxikietako azpiko zelaiak Zazpitxaboleta izena duela. Izen

Enrike Renteria Pintura Lehiaketaren XXVI. edizioa

Igande honetan, uztailaren 7an, berriro ospatu zen Enrike Renteria pintura lehiaketa. Zornoza Arte eta Kultur Elkarteak antolatuta eta Amorebieta-Etxanoko Udalaren laguntzarekin, Enrike Renteria pintura lehiaketa aurten bere bi modalitatetan egin da: Zintzilik. Herriko balkoietan zintzilik ikusgai egongo diren loneta margotuak

Musikaren Europako Egunarekin bat egingo du Amorebieta-Etxanok hainbat kontzertu eta musika-jarduerekin

Musika Bulegoak antolatutako programaren baitan emanaldi eta musika-jarduera desberdinak eskainiko dira ekainaren 19an eta 20an. Ekainaren 21ean Musikaren Europako Eguna ospatzen da. Hori dela eta, Musika Bulegoak, kultur eragileekin eta erakundeekin batera, musika-jarduerak eta -emanaldiak antolatu ditu Bizkaiko, Gipuzkoako eta