Apirilean hasiko dira Musika Eskolako lanak

• El Ayuntamiento de Amorebieta-Etxano ha adjudicado la obra de la Musika Eskola cuyas obras comenzarán a finales del mes de abril.
• El presupuesto total del proyecto es de 2.570.000 euros y el plazo de ejecución rondará los 18 meses.

Udalak apirilaren amaieran hasiko ditu Amorebieta-Etxanoko Musika Eskola berria eraikitzeko lanak. Udalak BYCAM S.A. enpresari esleitu dio azpiegitura horren eraikuntza.
Lanei hasiera emateko anbulatorio zaharra eraitsi egingo da, eta horrek 1.000 m2ko lekua utziko du2 Musika Eskola berria eraikitzeko. Eraikin berriak, bistan geratuko den pilotalekuaren jatorrizko horma kontserbatuko du. Horrela, Udalak azpiegitura berri eta modernoa bultzatuko du eta, aldi berean, herriaren ondarearen parte bat kontserbatuko du. Eraikin berria, ingurumenaren ikuspegitik iraunkorra izateko eta bere energia kontsumoa eta ingurumen arloko eragina ahalik eta txikienak izan daitezen diseinatu da.
Eraikinak lau solairu erabilgarri izango ditu. Beheko solairua gune erabat diafanoa izango da, eta sarbide zuzena izango du Txiki Otaegi kaletik. Leku horretan egongo dira atezaintza, jendearen arretarako zerbitzua eta itxaroteko gunea.
Hurrengo hiru solairuak, erdian egongo den kristalezko eskailera handi baten bitartez egongo dira komunikatuta. Horrek argitasun handia emango dio espazioari, Zelaieta parkearen ikuspegi bikainak eskaintzeaz gain.
Lehenengo solairuan irakasleen gelak, erabilera anitzeko aretoa eta biltegia egongo dira. Bigarren solairuak, haize eta soka musika-tresna, gitarra eta piano gelak jasoko ditu, musikoterapia lantzeko guneaz gain. Amaitzeko, hirugarren solairuan alboka, akordeoi, txistu, trikiti, perkusio eta joera berrien gelak egongo dira.
Proiektuaren aurrekontu osoa 2.570.000 eurokoa da, eta lanak egiteko epea 18 hilabete ingurukoa.

www.amorebieta.com – Hilero Zornotzan © 2018

Ir arriba.