Archive for 03/2015

Euskera plana onartu da

Amorebieta-Etxanoko udalak Euskara Sustatzeko Ekintza Plana (ESEP) onartu du.

Amorebieta-Etxanokok Udaleko osoko bilkurak aho batez onartu zuen, martxoaren 27an, hurrengo hiru urteetan (2015-2017) udalerrian euskararen erabilera sustatzeko helburu estrategikoak bereganatzen dituen ekintza plana. Honakoak dira helburu estrategikook:
1.- Euskararen jabekuntza: Hizkuntzaz jabetzea, hiztun bilakatzea dakar berekin helburu honek, eta familia transmisioa, irakaskuntza eta euskalduntzea/alfabetatzea dira esparru nagusiak.
2.- Euskararen erabilera: Hizkuntzaren erabilera bultzatzeko neurriak sustatu behar dira, bereziki administrazioan, arlo sozio-ekonomikoan, aisian eta kirol arloan.
3.- Euskararen elikadura: Bi arlo nagusi ditu, bata sorkuntza eta bestea kontsumoa. Beraz, lehenik eta behin, euskarazko kalitatezko sorkuntza sustatu eta babestu behar da eta, horrekin batera, euskarazko kontsumoa indartu behar da. Sail honi dagozkio liburugintza, kulturgintza, publizitatea, hedabideak…
Zehar lerro bat ere bereganatzen du; izan ere, etengabekoak izango baitira horiekin guztiekin batera sentsibilizazioa eta motibazioa.
Onartu berri den Euskara Sustatzeko Ekintza Planean, hiru urteko epean garatu eta burutuko diren jarduerak zehazten dira. Garapenarekin batera, urtero-urtero gauzatuko dira planaren ebaluazioa eta jarraipena, eta 2018rako egin beharreko egokitzapenak ebaluazio horien emaitzetan oinarrituko dira. Hainbat dira, eta era askotakoak, aurtengo urtean gauzatuko diren ekintzak. Besteak beste direla, honako hauek nabarmen daitezke:

– Haur literatura tailerra: Udalerriko ikastetxeekin elkar lanean burutzen da. Haur Hezkuntzan eta Lehen Hezkuntzan irakurketarekiko zaletasuna bultzatzea xede duen ekintza da, orokorrean, eta literatura lan gomendagarriak lantzea du oinarri. Adin bakoitzean, formatu ezberdinetan, ipuin antzeztuak, ipuin kontalariak, antzerkiak, liburu erraldoia, idazleekin elkarrizketak eta erakusketa girotua bezalako ekintzak burutzen dituzte urtero.
– Gu ere bertsolari programa: Bertsolaritzaren jarduna eskola eremura ekarrita, euskararen ikaskuntzan hizkuntzaren erabilera praktikoari dagozkion esparru berriak zabaltzen dira. Hitzarekin eta hizkuntzarekin jolasten den bitartean, bertsoekin lan litezkeen hainbat esparruri ekiteko aukera jartzen da ikasleen eskura: euskara, kultura, musika eta trebetasun pertsonal eta sozialak jendaurrekotasuna, auto-estimua, elkarkidetza…
– Gabonetan Jai: Gabon garaian etxeko txikienentzat eta gazteentzat urtero antolatzen diren egitarau bereziak.
– Hizkuntza indartzeko proiektua: Irakaskuntza arautuan sartzen diren ikasle etorkinei murgiltze-fasean euskaraz jabetzen eta euskaldun bilakatzen laguntzeko indartze saioak.
– Erdu olgetan familian: Gurasoek seme-alabekin batera parte hartzeko ekintzak, euskararen erabilera bereziki zainduz eta sustatuz.
– Ibilialdiak familian: Etxeko gaztetxoenek gurasoekin batera egiteko moduko ibilaldi didaktikoak, natura eta inguruko paisaiak eta parajeak ezagutzeko, eta landa-bizitzara eta bertako jardueretara hurbiltzeko parada ezin hobea eskaintzen dutenak.
– Ibiliaz ezagutu: Gida euskaldunek lagunduta eta autobus zerbitzua izanik inguruetako natura, kultura eta arkitektura ondarea ezagutzeko antolatzen diren mendi-irteerak.
– Berbaldiak programa: Euskaldun zaharrak eta euskaldun berriak, bere egunean ikasten ibili zirenak, gaur egun ikasten ari direnak, euskaraz jarduteko ekimen parte-hartzailea.
– Tinko programa. Eskola-umeek eta gaztetxoek zinea euskaraz ikusteko ekimena.
– Apelliduak abizendu: Deituren grafia euskarara egokitzeko ekimena.
– Udaleku irekiak: Eskola-umeen opor garaian hainbat ekintza eta jardueraz blaituta antolatzen diren aisialdi-egitarauak.
– Gurasolagun programa: Gurasoei zuzenean bideratuta dagoen euskarazko mintzaldien ekimena .
– Izen euskaldunak.
– Gazteria, gaztezulo kultur eskaintza: Gazteei zuzenduta dagoen euskarazko hedabidearen sustapena.
– Merkatariak/Tabernariak

Korrika Zornotzan

Zornotzarrek ere ez dute korrika galdu nahi izan, eta “inoizko korrikarik handiena”-ren parte izan dira, euskararen alde irmo eginez

Kolaziñoko Mendi eguna

Kolaziñoko Mendi Eguna egin da Bedian, eta bertan egon diren hiru probetan –martxa, btt eta lasterketa (23 km eta 1094 m desnibela)- hainbat eta hainbat zornotzarrek hartu dute parte, eta maila ona emanez gainera. Argazkian horietako batzuk ditugu, baina beste asko ere egon dira. Bestalde, Zornotza Mendi Taldeko presidente den Igor Lopezi aipamena egin beharrean gaude, bera ibili baita itzalean antolatzaile eta gidaritza lanetan.

Urbanización de la zona del nuevo ambulatorio: calles San Juan y San Miguel

El pleno del Ayuntamiento ha aprobado el Proyecto de Reforma de Urbanización de las calles San Juan y San Miguel, en la zona que ocupará el nuevo ambulatorio que ya está en obras. “Queremos compaginar las obras de edificación con las obras de urbanización. A principios de año comenzarán las obras y finalizarán hacia el verano de 2016, fecha en la que está prevista también la conclusión de las obras del nuevo centro de salud”, asegura Amagoia Madariaga, concejal de Urbanismo. Estas obras no estaban previstas en los Presupuestos de 2015, de modo que se ha tenido que habilitar una partida económica para afrontar este proyecto. Las obras suponen un desembolso de 800 mil euros.
La calle san Miguel contará con dos carriles para los automóviles, uno en cada sentido, se ganará espacio para una acera más ancha y se colocarán tilos. “Queremos que esta entrada de Amorebieta vaya pareciéndose más a un boulevard”. En la calle San Juan se colocarán nuevas marquesinas en las paradas de autobús y se ampliarán las aceras.

UKABILAK DEFENTSA PERTSONALA LAUDIO IKASTOLAN

Martxoaren 14, 15, 16 ta 17anUKABILAK-ZORNOTZA klubako instruktoreek diren Andoni, César eta Iñakik, Def. Pertsonal ikastaro bat LAUDIO IKASTOLAren andereñoei eman diete. Guztiok asko ikasi dugun lan ihardunaldi gogor hauetan, noiz 11 emakumek haien físika zein buru ahalmena erakutsi dute emandako edukiera ezin hobeto egokitzen.
UKABILAK-etik animatu nahi ditugu andereño hauek haien lanari ekiteko horren gogo biziz.
Bihotz-bihotzez ESKERRIK ASKO!!
Beste aldetik gogoratzen dizuet larunbat honetan Txapelketa ospatuko dugula. 77 lehiakide apuntatu dira Euskadi eta Errioxa 15 Clubetatik.

www.amorebieta.com – Hilero Zornotzan © 2015

Ir arriba.