Zaintza eremu pribatutik, norbanakoaren erantzukizunetik, komunitariora igarotzeko egitasmoak ditu helburu EH Bilduk.
Autonomia murriztua duten, zein laguntza behar duten pertsonei, ahalik eta baldintza egokienetan, bizitza proiektua garatzen laguntzeko baliabideak aztertu eta beharrizanen arabera antolatzeko konpromisoa hartu du Zornotzako EH Bilduk, zaintza eredu komunitarioa abian jarriz.
Horretarako, pribatizaturik dauden herriko zaintza esparruak bere gain hartuko lituzke udalak, EH Bildu udal gobernuan egonez gero, hau da: etxez etxeko laguntza eta eguneko zaintza. Bestalde, herriko egoitzen egoera ezagutzeko ardura hartuko dutela jakitera eman dute, “bertako bizilagunen bizi kalitatea bermatzen dela ziurtatzeko”.
