• Gobernu Taldeak gogorarazi du pintada horiek kentzeak eta hormak garbitzea kostu oso handia dakarrela eta langileek hainbat egun behar izango dituztela.
Azken asteetan herriko hainbat tokitan agertutako pintaden ondoren, tartean Bizkargin, Amorebieta-Etxanoko Udalak gaitzetsi egin du pintaden izaera eta herriaren ondare historikoari egiten dioten erasoa. Era berean, gobernu taldeak gogoratu du pintada horiek iraganeko garaiak gogoratzen dutela, eta herritarren sektore batek garai hartan jarraitzen duenaren sentsazioa islatzen dutela.
Udalerri berriago baten alde
Udalak berretsi duenez, zornotzar guztien hiri-ondarea kaltetzeaz gain, horrelako ekintza bandalikoek kostu ekonomiko gehigarria dakarkiote Udalari, beste helburu baterako erabili beharko litzatekeena: «pintada horiek kentzeak eta hormak garbitzeak oso kostu handia du, hainbat langileren lanaz gain. Lan hori egunetan egiten da, udalerriko hormak egoera duin batera itzul daitezen. Hala ere, zoritxarrez, leku batzuetan pintadak ezabaezinak dira, eta nabaritu egiten dira horien aztarnak edo ezabatzeko egin diren partxeak».
Ekintza horiek gorabehera, Amorebieta-Etxanoko Udalak bere lanarekin jarraitzen du, udalerri garbiagoa eta bizitzeko atseginagoa izan dadin: «gure hormak garbitzen jarraituko dugu Amorebieta-Etxanok herri garbi eta ordenatua izaten jarrai dezan, bizitzeko herririk onena. Hala ere, halako ekintzak onartezinak dira, eta guztion betebeharra da gure udalerria eta azpiegiturak zaintzea. Zaintzak bateratua izan behar du, errespetuan eta bizikidetzan oinarrituta».
