«Esperientzia eta ilusio handiko taldea osatu dugu, zornotzar guztien ongizatea bermatzeko helburuarekin», horrela dio Ander Uriarte zerrenda buruak helarazi duen agiri baten. EH Bilduk «Zornotzaren lehentasuna da herritar horien guztien ongizatea bermatzea du helburu, justizia soziala bultzatuz, aniztasuna errespetatuz eta zerbitzu publikoak defendatuz. Hori lortzeko ezinbestekoa da politika eta zerbitzu publikoak herritarren zerbitzura jartzea». «Bistakoa da erronka handiak ditugula aurretik, baina egoerak eskatzen duen mailako taldea osatu dugu esparru ezberdinetako profesionalekin. Badugu esperientzia erakundeetan. Badugu eskarmentua kalean eta mugimendu sozialetan».
