– Zornotzako IMQ Igurco Orue eta IMQ Igurco José M.ª Azkuna bi egoitzetako adinekoek elkarrekin egingo dute erreleboa XXI. Korrikan, 20.05ean, Zornotzan.
– Senideekin eta bi zentro soziosanitarioetako profesionalekin batera egingo dute.
Euskararen aldeko XXI. Korrika, apirilaren 4tik 14ra bitartean Puente la Reina-Gares eta Vitoria-Gasteiz elkartuko dituena, Zornotzatik igaroko da, apirilaren 13an –larunbata– 20.05ak inguruan. Horiek horrela, IMQ Igurco Orue eta IMQ Igurco José M.ª Azkuna (azken hori, Bizkaiko Foru Aldundiko gizarte-azpiegituren sareko partaidea) egoitza zornotzarretako adinekoek bat egin nahi izan dute kultura- eta gizarte-ekimen garrantzitsu horrekin.
Hortaz, beren kabuz moldatzeko gai diren adinekoak nahiz mugikortasun urrikoak, bi zentroetako osasun-profesionalekin batera, 20.05ean elkartuko dira Gregorio Mendibil kaleko 8. zenbakiaren parean (El Cojo jatetxearen aurrean), herriaren erdialdean.
Korrika horren lekukoa IMQ Igurco José M.ª Azkuna egoitzako Eusebia Batizek eramango du. “Emakume zornotzarra da, euskalduna, pertsona mina, egoitzan nahiz herrian”, adierazi du egoitzako zuzendari María José Arenazak. “Eusebiaren familia oso ezaguna da herrian, eta Eusebiarekin detaile hori eduki izana txalotu eta eskertu dute”.
Eusebia Batiz gurpil-aulkian joango da, semearekin, eta IMQ Igurco Orueko beste nagusi batekin partekatuko du lekukoa, José Manuel Ortizegaz. Lekukoa Eneko Atxa eskolako Julen Baz sukaldariak emango die. Eta hura hartu ondoren, Eusebia Batizek eta José Manuel Ortizek, egoitzako gainerako adinekoekin, horien senideekin eta bi zentroetako osasun-profesionalekin batera egingo dute ibilbidea. Bidea egin ondoren, Vinos Aguirre-ko ordezkariari emango diote lekukoa, antolatutako ibilbidea ibiltzen jarrai dezan.
