ZORNOTZAKO BERTSO PAPER LEHIAKETAREN 1.GO EDIZIOA

Euskararen Nazioarteko Eguna aitzakia, Zelaieta Zentroko auditorioa bete egin zen Zornotzako Eta Abar Bertso-Eskolak eskutik antolatu genuen ZORNOTZAKO BERTSO PAPER LEHIAKETAn. Sari emate ekitaldia, abenduaren 4an, burutu genuen eta lehiaketaren 1. edizioa izanik, parte-hartzea arrakastatsua izan zen. Izan ere, orotara, 300 lan baino gehiago aurkeztu ziren, 4 mailan banatuta: Umeen maila, gaztetxoen maila, gazteen maila eta helduen maila.

Sariak bertso-eskolako kideek banatu genituen. Emanaldian Mikel “Inun” musikari Zornotzarraren laguntza izan genuen. Ondorioz, sarituek, Mikelen laguntzaz, beraien bertso sortak abesteko aukera izan zuten. Behin sari banaketa amaiturik, euskararekin eta bertsoarekin zerikusia duten kanta ezagun batzuk abesteko aukera izan genuen egindako kantaldian.

1.edizio arrakastatsuari amaiera emateko, luntx txiki batez gozatzeko aukera izan genuen bertara hurreratu ziren parte-hartzaile eta lagunek.

Zornotzan, Euskarak, bertsotan ere badaki!

Artículo anteriorEuskal Herriko K1 selekzioak arrakasta lortu du munduko txapelketetan
Artículo siguienteDe Pedro Fotógrafosen lana ikusgai