Zornotzan

Albisteak

Zabalik da Amorebieta-Etxanoko Emakume Nekazari eta Artisauen Azokaren XXVI. edizioan izena emateko epea

●  Euskal Herriko emakume nekazariak eta artisauak biltzen dituen azoka martxoaren 9an izango da Zelaieta parkean. Izena-emateko epea urtarrilaren 29tik otsailaren 15eraegongo da zabalik.

Euskal Herriko emakume nekazari eta artisauek hitzordu berri bat dute datorren martxoaren 9an, Amorebieta-Etxanoko Emakume Nekazari eta Artisauen Azokaren 26. edizioan. Martxoaren 8an, Emakumeen Nazioarteko Egunaren bueltan antolatzen da azoka, eta Amorebieta-Etxanoko Udalaren helburua da emakumeek arlo horretan egindako lana ikusaraztea. Historikoki sektore honetako bizkarrezurra eta eskulana izan dira emakumeak, eta hauen funtzioa ezinbestekoa izan da familien ekonomiarentzat, eta euskal gizarte, kultura eta tradizioarentzat. Azokak 26 urte beteko ditu aurten eta ohi bezala, bertan parte hartuko duten emakumeek artisau eta nekazaritza produktu ugari erakutsiko dituzte, hala nola, ogia, gozogintza, marmeladak, fruta eta barazkiak, fruta gozokiak, arropa, osagarriak eta abar.

Postuak eta izen-emate epea

Zelaieta parkean jarriko den karpan egongo da azoka, 10:00etatik 15:00etara. Izena eman nahi duten emakumeek urtarrilaren 29tik otsailaren 15era egin ahal izango dute, eta ezinbestekoa izango da azokan ikusgai jartzen duten guztia Euskal Herrian egoitza duten emakumeek egina izatea. Izen-ematea udal webguneko ‘Izen-ematea’ atalaren bitartez egin behar da, edo bestela, eskatutako informazioa emanez, emakumeak@landa21.com helbidean.


Udalak deialdiaren ebazpena zuzenean jakinaraziko dio onuradunari, hark emandako helbidean, 2024ko otsailaren 16tik aurrera, onarpena izen ematearen arabera egingo da. Aukeratutako pertsonak 4 eguneko epea izango du onarpena berresteko, jakinarazpena jaso eta gero.

+ Irakurri

Gaueko autobus zerbitzua antolatu du beste urte batez Amorebieta-Etxanoko Udalak bailarako udako jaietatik etxera itzultzeko

Arratiako Udalen Mankomunitatearekin eta Galdakaoko Udalarekin batera eskainiko du garraio zerbitzua gazteek festez gozatu eta kezkarik gabe bueltatu ahal izateko. Amorebieta-Etxanoko Udalak, Arratiako Udalen Mankomunitatearekin eta Galdakaoko Udalarekin batera jaietatik etxera bueltatzeko gaueko autobus zerbitzua antolatu du udako hilabeteetarako. Gazteak

Ekainaren 6an zabalduko da Amorebieta-Etxanoko haur danborradan izena emateko epea

Amorebieta-Etxanoko haur danborrada tradizio handiko ekitaldia izan ohi da Amorebieta-Etxanoko jaietan. Uztailaren 26an ospatuko da eta bihartik hasita ekainaren 14ª bitarte zabalik egongo da izena emateko epea. Danborradan parte har dezakete 5 eta 13 bitarteko haurrek (2011-2019 artean jaiotakoak). Interesdunek

‘ARGENTINA’ Irati Lezama

Iratik beti izan du argi psikologa izan nahi zuela. Horregatik, karrera Deustun eta Masterra Donostian egin ondoren, Buenos Airesera itzultzea erabaki zuen (aurretik han ikasten aritu baitzen), lanera eta batez ere bere formakuntza aberastera. Pozik etorri zen Erasmuseko hilabeteetan Argentinan