Zornotzan

Kirolak

SDA-k Mikel San José jokalaria fitxatuko du

Urdinak lanera itzuli dira LaLiga SmartBankeko estreinaldia prestatzeko. Asier Goiria, zuzendari teknikoak esan duenez, hurrengo orduetan Mikel San José, Athletic de Bilbao jokalari ohiaren fitxaketa gauzatu ahal da, oso aurreratuta daude elkarrizketak.
Sociedad Deportiva Amorebietako lehen taldea Urritxera itzuli da gaur, uztailak 8, ilusioz beteta eta oso erakargarria aurkezten den 2021-22 denboraldiko lehen entrenamendua burutzeko. Klubak bere debuta egingo du LaLiga SmartBanken, Badajozen ospatutako playoffean igoera lortu ostean, 2020-21 denboraldi ahaztezinari bukaera ezin hobea emanez.
Urdinen entrenatzaile bezala bere laugarren urtea jarraian afrontantuko duen Iñigo Vélez de Mendizabalen agindupean, taldeak aurredenboraldia abiatu du abuztuaren 14ra sasoi betean ailegatzeko helburuarekin, egun horretan, 19:30ean, Girona FC bisitatu beharko baitu txapelketako lehenengo jardunaldian.
Pasa den denboraldiko taldeko hurrengo futbolariak izan dira gaur Urritxen: Mikel Saizar eta Unai Marino atezainak; Iker Seguín, Aitor Arregi, Mikel Zarrabeitia, Aitor Aldalur, Aimar Sagastibeltza, Beñat Garro, Jon Irazabal, Beñat Leiza eta Unai Uberuaga atzelariak; Mikel Álvaro, Iker Bilbao, Gorka Larrucea eta Asier Etxaburu erdilariak; eta Iñigo Orozko, Koldo Obieta eta Iker Unzueta aurrelariak.

Momentuz 6 jokalari etorri dira Amorebietara


Haiekin batera, sei fitxaketa berri egon dira entrenatzen. Hiruk ondo ezagutzen dute etxea: Oier Luengo atzelari zornotzarra (Bilbao Athletic), Markel Lozano erdilaria (RC Celta B) eta Iker Amorrortu aurrelaria (CD Calahorra). Gainera, Óscar Gil atzelaria (Real Racing Club), Josu Ozkoidi ezker hegaleko atzelaria (CE Sabadell) eta Lander Olaetxea erdilaria (UD Logroñés) heldu dira.
Talde teknikoan Aritz Mujikak (bigarren entrenatzailea), Xanti Pérezek (prestatzaile fisikoa), Rufino Lekuek (atezainen entrenatzailea) eta Zigor Egiartek (psikologoa) jarraituko dute. Haiei Álex González (berregokitzailea), Jon Basterretxea (fisioterapia zerbitzuaren burua), Juan Sebastián Conde (fisioterapeuta), Danel Etxebarria (fisioterapeuta), Markel Arregi (medikua) eta Mikel Arregi (delegatua) batu zaizkie.
Zornotzarrek hainbat lagunarteko partida jokatuko dituzte liga hasi aurretik. Lehenengoa datorren asteazkenean, hilak 14, 18:00etan, izango da Burgos CF taldearen aurka, Urritxen. Momentuz, konfirmatuta daude ere hurrengo neurketak: Deportivo Alavés (uztailaren 17an, Ibaian), UD Logroñés (uztailaren 24an, Urritxen), CD Calahorra (uztailaren 31n, La Planillan) eta SD Eibar (abuztuaren 4an, Urritxen).

Oier Luengo, Mikel Zarrabeitia eta Unai Uberuaga zornotzarrak

+ Irakurri

AE WATERPOLO

Taldeak maila bikaina erakutsi du infantil eta alebinetan. Alebin mailan, Libe Zarazuak txapeldun ordeko postua lortu du Elchen jokatu den Espainiako waterpolo txapelketan. Mutilen aldetik, Waterpolo taldeko Markel Larruzea eta Ager Santamaria oso ondo egin dute. Bai mutilak bai neskak

ETXANO HOT SHOTS HOCKEY Alebin Euskadi Ligako txapeldun

Ligan 12 talde dira, Bizkaia, Araba eta Gipuzkoakoak, baita Zaragozako talde bat ere. Jardunaldi finala Ribabellosan (Araba) jokatu zen eta handik bueltatu zen taldea alebin Euskadi Ligako garaile. Urtea borobiltzeko, benjamin taldeak ere itzelezko papera egin du bere ligan, partidurik

‘SD AMOREBIETA’ Balance de temporada 2023-24

La SD Amorebieta vuelve a Primera RFEF después de una temporada muy exigente, donde los azules lo han dado todo para cumplir el objetivo de permanecer en Segunda División manteniendo sus opciones hasta el final. El primer equipo de la