Abenduaren 19-an Zornotzako «Sociedad Artístico Cultural Zornoza»-k gazteentzako antolatzen dauan Ipuin Lehiaketaren sariak banatu ebazan. Lanak herriko ikastetxe ezberdinetan batzen dira eta oinarrien arabera, danak esaldi berdinarekin hasita, istorio ezberdinak jorratu behar dabe. Aukeraturako hasiera «Salto batez altxatu naiz ohetik. Dan-dan-dan…elizako erlojuak goizeko zazpiak jo ditu» izan da.
Aurten lehiaketak bere 20. edizioa ospatu dau eta partehartzaile marka hautsi dau. Guztira 310 lan aurkeztu dira.
Leihaketa adinaren arabera 3 taldeetan banatuta dago: 11 urterarte, 12-14 urte bitartekoak eta 15-18 urterarte.
Aurtengo saridunak hauxek izan dira.
11 urterarte:
1. saria: Liher Iñiguez Astobiza (Larrea Eskola) «Ordu aldeketaren misterioa» lanarekin.
2. saria: Naroa Iturrioz Lauzirika (Andramari Ikastola) «Koloreen bila» lanarekin.
12-14 urte bitartekoak.
1. saria: Ekaitz Monzón García (El Carmelo Ikastetxea) «Ekaitz eta bere surfeko ohola» lanarekin.
2. saria: Mayi López (Karmengo Ama Ikastetxea) «Aitonaren baso sekretua» lanarekin.
15-18 urterarte
1. saria: Onintza Artetxe Apraiz (Andramari Ikastola) «Uda berezia» lanarekin.
Irabazleak bere saria jasoteaz gain ekitaldian bildutako lagunei euren lanen zatitxo bat irakurri egin eutsoen.
Poza, barreak eta txaloak izan ziren ekitaldiaren protagonista nagusiak.
