Aurten, nahiz eta zoritxarrez egoera berezi bat bizi, Sociedad Artístico Cultural Zornoza-k ez dau izan nahi urtero Zornotzako ikasleentzako antolatzen dauan Idazlan Lehiaketa bertan bera itxi.
Horrela, eta herrian dagozan 6 ikastetxeen partaidetzarekin (Andra Mari Ikastola, Karmelo Ikastetxea, Karmengo Ama Ikastetxea, Larrea Ikastetxea, Lauaxeta Ikastola eta Urritxe Institutoa) , XXI. edizioak aurrera egin dau.
Idazlanak abenduaren 4-n aurkeztu behar ziran eta guztiak hasiera berdinari helduta gai librea jorratu ahal zuten. Aurten istorioen hasiera honako hau izan da: “Paseatzen ari ginela, gau hartako mutila ikusi dut. Berak ikusi nau, hobeto esanda”
Eta ikasleak eman daben erantzuna primerakoa izan da. 3 mailatan sailkatutako lehiaketan 259 ikasle parte hartu dabe: 11 urte arteko mailan 134 ikasle, 51 ikasle 12 eta 14 urte bitartekoan eta, azkenik, 74 ikasle 15 eta 18 urte bitarteko mailan.
Epaimahai lanetarako Zornotzako Barnetegiko ikasle talde baten laguntza izan dogu.
Idaztea eta Literatura modan ez dagozala esaten dan garai honetan, SACZ-rentzako goraipatzekoa da Zornotzako erakunde ezberdinen laguntzarekin edizio berri bat aurrera ateratzea eta ikasleek emon daben erantzuna.
Aurten egongo ez dana sari banaketa ekitaldia izango da eta maila bakoitzean saritutako bi lanen idazleak bakarka jasoko dabe saria.
➢ 11 urte arteko maila:
• Lehen saria: Izaro Pagaldai Aburto. “Erlojua”.
• Bigarren saria: Aiala Bilbao Olabarri. “Betirako lagunak”.
➢ 12 eta 14 urte bitarteko maila:
• Lehen saria: Ane Bilbao Olabarri. “Bai, merezi izan du”.
• Bigarren saria: Eneko Pérez Salazar. “Gau hartako mutila”.
➢ 15 eta 18 urte bitarteko maila:
• Lehen saria: Naia Gallastegi Larrinaga. “Zimeltasuna”
• Bigarren saria: Aiora Arregi. “Arimen gaua”
