➢ Zentro honen helburua euskarari buruzko datuak eta oinarrizko edukiak ematea da, era atsegin eta zuzen batean
Amorebieta-Etxanoko Udaleko Gizarte Ekintza Sailak, Nagusi Aretoaren bidez, datorren martxoaren 11 arratsalderako txango bat antolatu du Bilboko San Ignacio auzoan dagoen Euskararen Etxea ezagutzeko.
Euskararen Etxea Bizkaiko Foru Aldundiaren, Bilboko Udalaren eta Eusko Jaurlaritzaren lankidetzari esker sortu zen, euskararen egoitza bihurtzeko asmoarekin. Zentro honen helburua euskarari buruzko datuak eta oinarrizko edukiak ematea da, era atsegin eta zuzen batean. Bertan hizkuntza honi buruzkoak aurkitu daitezke, euskalkien aberastasuna, sorkuntza literarioa, etab.
Izena emateko epea martxoaren 10ean amaituko da. Plaza kopurua mugatua da eta bisita gidatua eta doakoa izango da.
Izena emateko eta informazioa eskuratzeko Nagusi Aretora jo daiteke astelehenetik ostiralera 16:00etatik 20:00etara edota ondoko telefono zenbakira deitu daiteke: 94 694 11 29.
