Musikaz jositako udalekuak prest Zornotzan

2023ko uztailaren 10etik 14ra bitartean antolatuko dira 6 eta 14 urte bitarteko Zornotzako zein inguruko herrietako umeentzat.

Zornotzako Musika Bandak Amorebieta-Etxanoko Udalaren babesean antolatuko ditu aurtengo Musika Udalekuak. “Inguruko herrietan ez dago antzeko gauzarik” adierazi du Aritz Labradorrek, Bandako zuzendariak eta udalekuen koordinatzaileak. “Horregatik gonbidatu nahi ditugu bai Zornotzako, bai inguruko herrietako umeentzat”.

Musika udalekuek hiru alor uztartuko dituzte: ahotsa, perkusioa eta inprobisazioa. Izen-emandako ume guztiek musikaz gozatzeko eta ikasteko aukera izango dute kantuaren, perkusioaren eta gorputzaren mugimenduaren bitartez. Musika-tallerrak eta aisialdiko jarduerak konbinatuko dira bost egunetan zehar eta taldeek egindako emaitza ostiral arratsaldean aurkeztuko zaio herriari, uztailaren 14ean, herriko jaiak hasi aurretiko egunean. Parte-hartzaileek ez dute zertan musika formakuntzarik izan behar eta ez da instrumentu musikalik erabiliko; ahotsa eta gorputza soilik erabiliz egingo dugu musika!

Izen emateak jadanik zabalik daude apirilaren 28ra arte www.musikaudalekuak.eus web-orrialdearen bitartez.

Artículo anteriorApirilaren 17an irekiko da 2023ko Udalekuetan eta Gauero Udan programetan izena emateko epea
Artículo siguientePresentan alegaciones contra la carretera que unirá Larrea con Boroa