La Bañerako inguruak HUA (Hondakin Uren Araztegia) berria izango du eta inguruko eraikinetako isurketak jasoko ditu kolektore-sare berri bati esker.• Obra 145.000 euro ingurugatik esleitu da eta Eusko Jaurlaritzak %68ko diru-laguntza emango du.
Amorebieta-Etxanoko Udalak aste honetan bertan hasiko ditu La Bañera inguruko saneamendua egokitzeko proiektuari dagozkion lanak. Helburu nagusia da inguru honetako hondakin-uren tratamendua eguneratzea, urak-arazteko arau-premia berrietara egokitzeko. 145.000 euro inguruko aurrekontua izango du eta hiru hilabete inguruko epean bukatzea aurreikusten da.
Hondakin-urak tratatzeko instalazio berria
Gaur egun, La Bañera inguruan putzu septiko bat dago, inguruko eraikinen hainbat isurketa tratatzen dituena. Denboraren poderioz, eta San Martin errekaren uraren higaduraren ondorioz, putzuaren zati bat ibilguaren barruan geratu da. Hori dela eta, La Bañera inguruakhondakin-urak arazteko instalazio berria behar du.
Obrari esker, zonalde honek HUA (Hondakin Uren Araztegia) berri bat izango du. Ibaitik behar bezain urrun egongo da kokatua eta eraikinetako isurketak bilduko ditu kolektore-sare berri baten bitartez.
Eremuaren eta araztu beharreko uren ezaugarriei dagokienez, Udalak oxidazio osoko arazketa-unitate bat aukeratu du, trinkoa eta lurperatua egongo dena, 100 biztanleko baliokide bat tratatzeko gaitasunarekin. Gainera, arazketa sistemak bi modulu berezi izango ditu, dekantazio-biltegiari eta oxidazio osoko araztegiari dagozkienak.
Eusko Jaurlaritzak diruz lagundutako obra
Obra finantzatzeko, Udalak Eusko Jaurlaritzako Ekonomia Garapen eta Azpiegitura Sailaren diru-laguntza jasoko du. Diru-laguntza esku-hartzearen zenbatekoaren %68 ingurukoa izango da, EAEko landa eremuak sustatzeko eta garatzeko.
