Zornotzan

Kultura

JON GAUBEKA LABURMETRAIA ZUZENDARIA

“Maitia non zira? eta “Contra la pared” dira Jon Gaubeba zornotzarrak urte hasieran aurkeztutako bi film laburrak. “Nire lana pantaila handian ikusi ahal izateak poza handia eman dit, hainbeste denbora ondoren jende aurrean estreinatzea lortu dugulako”.
Orain arte kamara aurrean bakarrik aritu izan da Jon. Aktore gisa, Goenkalen denboraldi oso bat egin zuen, baita Martin eta Pelotari telesailetan ere, La Sexta telebista kateko “Qué vida más triste” saioan, antzerkian ere izan da, beste pelikula batzuetan extra moduan… Bere ogibidea magisteritza da, baina zainetatik interpretazioa dario. “Hasieran antzeztu bakarrik egiten neban, gero gidoiak idatzi ere, baina beldur nintzen zuzentzeko. Behin, beste baten eskuetan utzi neban nire gidoia eta erabat aldatuta amaitu zan. Horregaitik hartu neban zuzentzeko erabakia”.
“Maitia non zira” izeneko film laburraren gidoia idazteaz gain, zuzendaritzaz ere arduratu da. Prozesu luzea izan da Zornotza Aretoan estreinatu baino lehen. “Guk ez dugu aurrekonturik eta horrek proiektuan eragina izaten du, baina azkenean lortu dogu. Laburmetrai honetan ez dago hitzik musika baizik. Kolorez eta zuri beltzez eginda dago, binetak erabiltzen doguz”.

Oso berezia da Jonen lehen lan hau, pentsarazten dizuen horietakoa. “Aitortza bat da. Hau zuri beltzez erakusten dot eta orainaldia berriz kolorez”. Larraitz García, Muna San Emeterio, Ainara Etxeandia, Amaia Lizaso, Manu Rodriguez, Aitor Zugadi eta Jon Gaubeka agertzen dira korto honetan.
“Contra la pared” izenekoan Larraitz Garciak idatzi du gidoia eta adaptazio bat egin da grabazioa egiteko medioak zirela medio. “Texto pila bat zegoen eta interpretazio hutsa zenez lan handia egin behar izan dogu esaldi bakoitzari zentsua emateko, pertsonaien analisi sakona egin dogu”. Muna San Emeteriok eta Larraitzek daramate metraje laburreko film honen pisu osoa eta gidoia da garrantzitsuena. Zornotzako The Dirty Road Band-ek musika jarri du lan honetan.
Ainhoa Escobar izan da kamara lanetan eta Martxel Suarezek egin du edizioa. Orain hainbat festibaletara aurkeztuko dituzte bi lan hauek.

+ Irakurri

Musikaren Europako Egunarekin bat egingo du Amorebieta-Etxanok hainbat kontzertu eta musika-jarduerekin

Musika Bulegoak antolatutako programaren baitan emanaldi eta musika-jarduera desberdinak eskainiko dira ekainaren 19an eta 20an. Ekainaren 21ean Musikaren Europako Eguna ospatzen da. Hori dela eta, Musika Bulegoak, kultur eragileekin eta erakundeekin batera, musika-jarduerak eta -emanaldiak antolatu ditu Bizkaiko, Gipuzkoako eta

Belatxikietako ermitaren 75. urteurrena ospatuko du Amorebieta-Etxanok

Horretarako hainbat ekintza antolatu dira, horien artean «75 urte Zazpitxaboletan» liburuaren aurkezpena. Liburuak ermitaren jatorria, sorkuntza eta historia jasotzen ditu. Belatxikietako San Inazio baselizak 75 urte betetzen ditu arten. Eraikin garrantzitsua da hau Amorebieta-Etxanorentzat eta urteurrena ospatzeko hainbat ekintza antolatu

‘VLAD ION’ Danza Contemporánea

Vlad Ion, de practicar Break Dance en el parque Zubiondo a bailar danza contemporánea en el circuito Europeo. El zornotzarra Vlad Ion y Guillem Batlle, bailarines de danza contemporánea, utilizan el humor como herramienta para extender la danza a un