Zornotzan

Albisteak

Ixer kalea berrurbanizatzeko lanak amaitu dira

– Kalea erabat eraldatu da eta orain oinezkoentzako ibilbide zabalak eta irisgarritasun unibertsala bermatzen duten neurriak ditu.

– Helburu nagusia oinezkoari lehentasuna ematea izan da beti, oztopo arkitektonikoak kenduz, berdeguneak sortuz eta hiri-elementuak hobetuz, hornidura-, saneamendu-, elektrizitate- eta argiztapen-sare guztiak berritzea barne.

– Era berean, Udalak 30 aparkaleku berri jarri ditu eta San Pedro eta Ixer kaleen arteko bide-zatian eta Ixer barruko bidean zirkulazioaren noranzkoa aldatu da, inguru horretan ibilgailuen zirkulazioa hobetuz eta gidariei ikuspen handiagoa emanez.

Ixer kalearen berrurbanizazioa errealitate bat da. Amorebieta-Etxanoko udalaren proiektu estrategikoetako bat bezala aurkeztuta, 6.300 metro koadroko azalera eta 1.300.000 euro baino gehiagoko aurrekontua hartu dituen jarduketa honek zonaldea osorik berritzeko aukera eman du, bai kanpora begira, bai barrura begira.

Kaleak eraldaketa handia izan du eta orain oinezkoentzako ibilbide zabalak eta irisgarritasun unibertsala bermatzen duten neurriak ditu. Helburu nagusia oinezkoari lehentasuna ematea izan da beti, oztopo arkitektonikoak kenduz, berdeguneak sortuz eta hiri-elementuak hobetuz, hornidura-, saneamendu-, elektrizitate- eta argiztapen-sare guztiak berritzea barne. Kalean dauden edukiontziak ere berrantolatu dituzte.

Espaloiak zabaltzea

Egindako lanei esker, landaredi- eta zuhaitz-elementuak sartu ahal izan dira, baita espaloiak zabaldu eta zintarriak eta sestrak birkonfiguratu ere, desgaitasuna duten pertsonen beharretara egokitzeko. Gainera, oinezkoen pasabideak birkokatu dira, ibilbide naturalak eta Gabriel Aresti parkearekiko lotura indartuz eta argi berriak jarri dira, udalerriko bizilagunei argitasun eta segurtasun handiagoa emanez.

Udaletik pozik agertu dira beharrezkoak ziren hobekuntza batzuk amaitu direlako: «Kkale honen eraldaketa berri bat burutu dugu, egoiliarrek sarri eskatzen zutena eta guztiz beharrezkoa zena. Inbertsio honekin kale hau erabat egokitu eta hobetu dugu, bai barrutik bai kanpotik, oinezkoentzako ibilbideak eta irisgarritasun unibertsala lehenetsiz. Behin betiko, irisgarritasunean irabazi da, eta hori ezinbestekoa da, mugikortasun murritzagoa duen adineko jende asko bizi baita «, nabarmendu dute.

Hobekuntza ibilgailuen trafikoan

Era berean, Udalak 30 aparkaleku berri jarri ditu eta San Pedro eta Ixer kaleen arteko bide-zatian eta Ixer barruko bidean zirkulazioaren noranzkoa aldatu da, inguru horretan ibilgailuen zirkulazioa hobetuz eta gidariei ikuspen handiagoa emanez.

Inguruko bizilagunen kezka nagusietako bat aparkalekuarekin lotuta zegoen, baina aparkaleku berriari eta bideko aldaketei esker, proiektu berriarekin zornotzarrek lehen baino plaza bat gehiago izango dute.

+ Irakurri

Gaueko autobus zerbitzua antolatu du beste urte batez Amorebieta-Etxanoko Udalak bailarako udako jaietatik etxera itzultzeko

Arratiako Udalen Mankomunitatearekin eta Galdakaoko Udalarekin batera eskainiko du garraio zerbitzua gazteek festez gozatu eta kezkarik gabe bueltatu ahal izateko. Amorebieta-Etxanoko Udalak, Arratiako Udalen Mankomunitatearekin eta Galdakaoko Udalarekin batera jaietatik etxera bueltatzeko gaueko autobus zerbitzua antolatu du udako hilabeteetarako. Gazteak

Ekainaren 6an zabalduko da Amorebieta-Etxanoko haur danborradan izena emateko epea

Amorebieta-Etxanoko haur danborrada tradizio handiko ekitaldia izan ohi da Amorebieta-Etxanoko jaietan. Uztailaren 26an ospatuko da eta bihartik hasita ekainaren 14ª bitarte zabalik egongo da izena emateko epea. Danborradan parte har dezakete 5 eta 13 bitarteko haurrek (2011-2019 artean jaiotakoak). Interesdunek

‘ARGENTINA’ Irati Lezama

Iratik beti izan du argi psikologa izan nahi zuela. Horregatik, karrera Deustun eta Masterra Donostian egin ondoren, Buenos Airesera itzultzea erabaki zuen (aurretik han ikasten aritu baitzen), lanera eta batez ere bere formakuntza aberastera. Pozik etorri zen Erasmuseko hilabeteetan Argentinan