Zornotzan

Kirolak

Idurre Artetxe: “Beldurrez, baina, aldi berean, gogo handiarekin ekiten diogu egunero gure lanari”

Barrualde-Galdakao ESIan, arnas sintomak dituzten eta arreta medikua behar duten pertsonentzako erreferentzia zentroak bederatzi dira. Horietako bat, Laudioko osasun zentroa da. Idurre Artetxe zornotzarra, erizain lanetan ari da bertan.

Bizitzen ari garen egoera honek, fikziozko film bat ematen duela aitortu digu Idurrek. “Une oro prest egon behar dugu datorrenerako. Pandemia honek esku-hutsik harrapatu gaitu eta gutariko askori gure materiala prestatzera derrigortu gaitu: pantailak, maskarillak…”. Osasun zentroak, ospitaleetan eman daitezkeen kolapsoak saihesteko “filtro” moduan jarduten ari direla azaldu digu erizain honek. “Larri dauden gaixoak soilik bidaltzen ditugu ospitalera, betiere dituzten sintomak eta birikietako plakak kontuan hartuta”.

Laudioko zentroan, beste zentro batzuetan bezala, neurri bereziak hartu dituzte gaixo guztien segurtasuna bermatzeko. “Zentroan atzera daitezkeen kontsulta presentzialak atzeratu ditugu eta espazio ezberdinak egokitu ditugu atzeratu ezin diren lanetarako (sintroi kontrolak, injekzioak, sendatze lanak, larrialdiak, etxeetako abisuak…). Arnas sintomak dituzten gaixoentzako, aparteko esparru bat antolatu dugu kontsulta guztiak behar bezala erantzuteko. Gainera, etxez etxeko zerbitzua ematen gabiltza beharrezkoak ditugun EPIekin hornituta dagoen auto batekin.”

Euskadin 400 hildakoen langa gainditu duen izurri honek, baldintza ezberdinetan lan egiten irakatsi diela aitortu digu Idurrek. “Estresa, estutasuna, beldurra eta ezjakintasuna sufritzen ditugu egunero. Hala ere, gogo handiz ekiten diogu momentu oro gure lanari, horretarako bait gaude.”

+ Irakurri

Harrera ona izan dute Amorebieta-Etxanoko emakumeen osasuna eta kirola sustatzeko jarduerek

Ekimen hau Emakumeen Osasunaren Nazioarteko Ekintza Egunarekin bat etorri zen, eta udalerriko elkarte, kirolari eta herritar ugari bildu zituen, Udalak emakumeen artean osasuna eta kirola sustatzeko duen konpromisoa islatuz. Joan den igandean, ekainaren 2an, Amorebieta-Etxanoko Udalak jarduera jardunaldi arrakastatsua egin

Rekalde, Ibarluzea eta Gaminde dira Master Kaiolako txapeldunak

Master Kaiolako bederatzigarren edizioak aurtengo txapeldunak ezagutuko ditu, bi pilotari bizkaitar eta gipuzkoar bat. Larunbat arratsaldea emakumezkoen mailako neurketarekin hasi zen eta Enara Gaminde (Lea Ibarra) izan zen txapelduna Goiuri Zabaleta (Aurrera Leiza) 22 eta 1 garaituta. Ikuskizun handia espero

MAREAMORE NFK

Zornotzako Nesken Futbol Kluba Mareamore NFK Zornotzako eta inguruko kadete mailako (14-18 urte) neska futbol jokalarientzako sortu den kluba da. Oraindik harritzen gaitu gurea bezalakoa den herri batean neskentzako futbol talderik ez egotea; edo behintzat nesken futbolari jarraikortasuna ematen dion