Zornotzan

Albisteak

Herria hobetzeko 5 proiektu zehatz proposatu dituzte gazteek ZUOK parte-hartze prozesuan

Kalistenia egiteko ekipamendua Jauregibarria parkean; adikzioen inguruko street marketineko kanpainak eta laguntza puntua; Auxotazi zerbitzuan moldaketak egitea; gazteentzako aisialdi- eta sukaldaritza-tailerrak eta gazteen beharrei erantzuteko bulegoa ezartzea, esaterako, emantzipazioarako laguntzak izapidetzeko.

Guztira, 27 pertsonek parte hartu dute aurrera emandako 5 lan saioetan eta horietan gazteentzako funtsezkoak diren arloak aztertu eta udalerria hobetzeko proiektuak landu dira.

Amorebieta-Etxanoko Udalak herritarren parte-hartzea sustatzearen aldeko apustuan eta etorkizuneko proiektuak elkarlanean eta era kolektiboan definitzeko helburuarekin ZUOK izeneko parte-hartze prozesua abiatu zuen gazteei ahotsa emateko eta 20 eta 28 urte bitarteko zornotzar gazteen iritziak eta proposamenak jasotzeko. Ekimen hau Arkalaz estrategiaren barruan kokatzen da, Amorebieta-Etxanoko gazteak herriaren garapenean eta etengabeko hobekuntzan aktiboki parte har dezaten.

Ainhoa Salterain alkateak azpimarratu duenez, ekimen honen helburu nagusia gazteei ahotsa ematea izan da, gazteak entzunak senti daitezen, «gazteek etorkizuneko erabakietan eta proiektuetan modu aktiboan parte hartzea nahi dugu, euren kezkak, nahiak eta proposamenak ezagutu nahi ditugu horiei guztiei erantzuteko, izan ere, gazteria da gure etorkizuna eta guztiz beharrezkoa da beren interesak islatuko dituzten eta beren ongizate integrala bermatzen lagunduko duten politikak eta ekintzak aurrera eramatea».


Gazteek proposatutako 5 proiektu

Azken hilabeteetan 5 lan-saio egin dira, eta horietan, udalerriko gazteentzat funtsezkoak diren arloak jorratu dira: emantzipazioa, aisialdia, prestakuntza eta enplegua, besteak beste. Prozesuan parte hartu duten 27 pertsonek bost proposamen zehatz aztertu eta landu dituzte, eta horiek, ekainaren 15ean egindako azken batzarrean aurkeztu ziren.

Zornotzar gazteek honako proposamen hauek egin dituzte:

  1. Kalistenia egiteko ekipamendua Jauregibarria parkean.
  2. Gazteen beharrei erantzuteko bulegoa, besteak beste, emantzipaziorako laguntzen inguruko informazioa jaso
    eta laguntzak horiek izapidetzeko.
  3. Adikzioen inguruko street marketineko kanpainak eta laguntza gunea.
  4. Auxotazi zerbitzuan moldaketak egitea.
  5. Gazteentzako aisialdi jarduerak, hala nola sukaldaritza tailerrak.

Prozesuaren balorazio oso positiboa

Parte-hartzaileek positibotzat jo dute Udalak bultzatutako prozesua eta «dibertigarria, interesgarria eta beharrezkoa» dela adireazi dute. Era berean, oso eskertuta agertu dira gazteei ahotsa eman eta parte hartzeko aukera eskaini izanagatik. Halaber, prozesuan parte hartu duten gazteek parte hartzen eta proposamenak egiten jarraitzeko borondatea azaldu dute.

Udalak, bere aldetik, proposatutako proiektuak aurrera eramateko eta udalerriko gazteekin batera lanean jarraitzeko konpromisoa hartu du.

+ Irakurri

HILERO 384-001

Pausa presentó su nueva revista el día 28 de Mayo en el Zornotza Aretoa, en un acto lleno de emoción presentado por Larraitz García. El numero 384-001 del Hilero, que sorprendió por su nuevo look, tuvo una magnífica puesta de

Llega el XVII Festival Internacional de Música de calle Haizetara

Amorebieta-Etxano se prepara para una nueva edición del Concurso Internacional de Música de Calle Haizetara en la que participarán nueve bandas de diferentes países y estilos musicales El festival dará comienzo el 21 de junio a las 19:00 en el

Gaueko autobus zerbitzua antolatu du beste urte batez Amorebieta-Etxanoko Udalak bailarako udako jaietatik etxera itzultzeko

Arratiako Udalen Mankomunitatearekin eta Galdakaoko Udalarekin batera eskainiko du garraio zerbitzua gazteek festez gozatu eta kezkarik gabe bueltatu ahal izateko. Amorebieta-Etxanoko Udalak, Arratiako Udalen Mankomunitatearekin eta Galdakaoko Udalarekin batera jaietatik etxera bueltatzeko gaueko autobus zerbitzua antolatu du udako hilabeteetarako. Gazteak