Udazken txistulari taldeak egin dau pregoia.
Arratsalde on, Zorrontza!
Zer moduz? Uda betean heldu jakula Udazken! Eta kostata bada be, itzuli direla barriro jaiak!
25 urte beteko dauz aurten Udazken Txistu Taldeak, eta eskerrak emon gura deutsueguz herrian horren ondo hartu gaituzuelako, eta gaur, hemen eta zeuekaz egoteko aukera oparitu deuskuzuelako.
Zer litzateke Euskal Herria txistu eta danbolin barik? Herriko zaharrenek sasoi ilunenetako argitzat hartzen gaitue. Umeak atzetik etorten jakuz txaloka eta dantzan. Beste batzuek gorroto be gorrotoko gaitue domekaro lo dagozela itzartzen doguzelako. Gitxi batzuek pentsauko dabe… “estos folklorikos”…
Eta aniztasun horrek ondo erakusten dau geure herria zelakoa dan. Zorrontza, danona eta danontzat. Eta herriko jaietan be erakutsi daigun aniztasun hori!
Zorrontza, zabaldu eizu bihotza! Umeei, pentsiodunei, aterpe baten bila datozenei…
Ibili gaitezen amorez amore, baina beti be more-more. Neska-mutil, mutil-mutil edo neska-neska. Txarrik ez da! Eta errespetuz… gora festa!
Eta, amaitzeko, lehentxoago txistuari buruz esan dogun modu berean… zer litzateke Euskal Herria euskara barik? Halandaze, jaietan be euskara plazara! dantzara! barrara! festara!
Gora gu! Gora Zorrontza! Gora Zorrontzako jaiak!
Hemen argazki batzuk eta bideoa.
