Zornotzan

Albisteak

Felipe Alberdi KATIA, txirrindulari profesionala izandako zornotzarra

Autzaganen jaio zen 1930.eko abuztuaren 23an. Katia ezinenez ezagutzen dugu txirrindulari honek 1952 eta 1961. artean profesionala izan zen, guztira 18 garaipen lortuz. “Baina profesionala izan baino lehen independienteak ginen, ekipo barik, eta orduan ere karrera asko irabazi nebazan. Bizkaiko, Euskadiko eta Espainako txapelketak, Bilboko itzuliak, Bizikleta Eibarresa..”
Felipek oso ondo gogoratzen ditu garai hartako baldintza gogorrak. “Orduan ez zegoen inolako erreztasunik. Ni etxeko lanak egin ostean joaten nintzen entrenetan. Behin, gogoratzen dot, Gasteizko karrerara joan baino lehen soloko lanak egin eta Durangora joan nintzela bizikletagaz. Urkiolatik joaten zen autobuseko eskilarara ebatu eta Urkiola igon. Karreran lehena izan nintzen eta gainera Firestoneko propaganda eramateagatik diru apur bat emon eustien”.
Katiak ez du inoiz ahaztuko auzokideek eta Amorebietako lagunek egindakoa. “Nik bizikleta ugertuta neukan, manillarra okertuta, llantak euztuta, eta denon artean bizikleta berri bat erosi eustien. Ez dot hori ahazteko ez. Lehen afizio asko zegoen herrian eta Euskadin. Alegria medikuak, kotxea zeukan bakarrenetarikoa eta Esteban Etxeitak mekaniko bezala ere laguntza asko eman dostie”.
Espainako Itzulian hiru aldiz izan da baina ez du inoiz amaitu. Hala ere behin liderra izan zen, A Koruñako etapa irabazi ostean lehen tokia eskuratu zuen sailkapen orokorrean. Egondako taldeen artean: Cil-Indautxu, Kas, Maderas Goiria, Ciclista Amorebieta eta Majestad, azken honetan Loroñorekin batera. Orduko txirrindulari onenak Poblet etas Bahamontes ziren.
Ziklo Krosean ere aritu da eta Italian, Belgikan, Luxenburgon eta Alemanian izandako mundialetan egon zen.
Duela egun gutxi omenaldia eskeini zioten Zornotzan beste txirrindulariekin batera; AntonBarrutia eta Julian Agirrezabal durangarrak, Fausto Iza Iurretakoa eta Oscar Elguezabal Areatzakoa.

+ Irakurri

‘ARGENTINA’ Irati Lezama

Iratik beti izan du argi psikologa izan nahi zuela. Horregatik, karrera Deustun eta Masterra Donostian egin ondoren, Buenos Airesera itzultzea erabaki zuen (aurretik han ikasten aritu baitzen), lanera eta batez ere bere formakuntza aberastera. Pozik etorri zen Erasmuseko hilabeteetan Argentinan

‘EZTANDAP’ Rock Banda

Eta ni begira, Eztandap-en bigarren diskoa da. Beraiekin egon gara diska berriaaren inguruan hitz egiteko eta taldea pixka bat gehiago ezagutzeko. Zornotzako talde bat bezala aurkezten zarete? Eagaz batera, bai. Eako baserri batean egiten ditugu entseguak, eta Zornotzako Zelaietako entsegu

MAREAMORE NFK

Zornotzako Nesken Futbol Kluba Mareamore NFK Zornotzako eta inguruko kadete mailako (14-18 urte) neska futbol jokalarientzako sortu den kluba da. Oraindik harritzen gaitu gurea bezalakoa den herri batean neskentzako futbol talderik ez egotea; edo behintzat nesken futbolari jarraikortasuna ematen dion