Zornotzan

Kultura

Eusko Ikaskuntza saria «Maitia nun zira ?» dokumentalarentzat

Elena Canas eta Ainara Menoyo zornotzarraren Maitia nun zira ? dokumentalak 2016ko Eusko Ikaskuntza-Baionako Herriko etxearen bideo-dokumental saria jaso du. Lehen Mundu gerla garaiko Alemaniako esparruetako euskal presoen grabaketetan oinarritu dokumental hau, Euskal kultur erakundearen eta Mondragon Unibertsitatearen arteko partaidetzaren ondorioz gauzatu da. Sari emate ekitaldia abenduaren 16an iragan da Baionako Herriko Etxean.

Eusko Ikaskuntza eta Baionako Herriko Etxea 2000.ean hasi ziren Euskal Kultura balioan jartzen zuten eragileen lanak saritzen. Xede horrekin, deialdiak abian jarri zituzten, ikus-entzunezko sorkuntza bultzatzeko helburuz eta horrela, bideo-dokumental sari honek 1.250 euroko ordainsaria banatzen du. Lehiaketan parte hartzeko, sorkuntzek Euskal Herriko biziaren eta euskal kulturaren alderdiak era orokor batean islatu behar dituzte. Halaber, Baionako Herriari buruz izan daitezke.

Aretxabaletako Ikus-entzun komunikazioko Elena Canas eta Ainara Menoyo ikasleak Lehen Mundu gerla garaiko Alemaniako esparruetako euskal presoen grabaketetan oinarritu dira Maitia nun zira ? dokumentala egiteko.

Dokumental hori Euskal Herriko zazpi probintzietako kultur eragile askoren parte hartzeari esker egina izan da : Odei Barroso, Xabi Etcheverry, Bea Salaberri eta Katixa Dolhare, Edurne Garmendia, Iñaki Perurena, Eneko Sagardoy, Aritz Labrador, Reyes Prados, Eneko Bidegain, Karmele Jaio, Daniel Landart, Aitor Arregi, Javier Martinez. Halaber, Maider Bedaxagar, Maite Deliart, Mikel Urdangarin eta Kepa Junkeraren elkarrizketekin osatua izan da.

Ohorezko Saria aldiz, zuzenbidearen historia katedradun emeritoa den eta Lapurdiko eremuari buruzko lanak eskaini dituen Maite Lafourcade-ri eman zaio.

Aurten bestalde, sari berezi bat eskainia izan da, Ibai Aguirrebarrena, David Rodriguez, Mikel Petuya eta Eneko Etxegarayk Jauzia proiektuaren barne den Bisaiak jauziaren aurpegiak dokumentalarentzat.

Euskal Kultura Sariak, Bertrand Augéren Historia modernoko tesia sariztatu du, non Baxenabarren izan ziren zuzenbideari lotutako problematika berdintsuei erantzuten dien.

+ Irakurri

Llega el XVII Festival Internacional de Música de calle Haizetara

Amorebieta-Etxano se prepara para una nueva edición del Concurso Internacional de Música de Calle Haizetara en la que participarán nueve bandas de diferentes países y estilos musicales El festival dará comienzo el 21 de junio a las 19:00 en el

Musikaren Europako Egunarekin bat egingo du Amorebieta-Etxanok hainbat kontzertu eta musika-jarduerekin

Musika Bulegoak antolatutako programaren baitan emanaldi eta musika-jarduera desberdinak eskainiko dira ekainaren 19an eta 20an. Ekainaren 21ean Musikaren Europako Eguna ospatzen da. Hori dela eta, Musika Bulegoak, kultur eragileekin eta erakundeekin batera, musika-jarduerak eta -emanaldiak antolatu ditu Bizkaiko, Gipuzkoako eta

Belatxikietako ermitaren 75. urteurrena ospatuko du Amorebieta-Etxanok

Horretarako hainbat ekintza antolatu dira, horien artean «75 urte Zazpitxaboletan» liburuaren aurkezpena. Liburuak ermitaren jatorria, sorkuntza eta historia jasotzen ditu. Belatxikietako San Inazio baselizak 75 urte betetzen ditu arten. Eraikin garrantzitsua da hau Amorebieta-Etxanorentzat eta urteurrena ospatzeko hainbat ekintza antolatu