Zornotzan

Kultura

Enrike Renteria Pintura Lehiaketaren XXVI. edizioa

Igande honetan, uztailaren 7an, berriro ospatu zen Enrike Renteria pintura lehiaketa. Zornoza Arte eta Kultur Elkarteak antolatuta eta Amorebieta-Etxanoko Udalaren laguntzarekin, Enrike Renteria pintura lehiaketa aurten bere bi modalitatetan egin da:

Zintzilik. Herriko balkoietan zintzilik ikusgai egongo diren loneta margotuak Zuzeneko pintura. Herrian, lehiaketaren antolatzaileek ezarritako gune batean, artistek beren lanak zuzenean margotzen dituzte,.

Zintzilik
Zintzilik modalitateari dagokionez, 15 lan dira lehiaketara aurkeztu direnak eta Zornotzako Herriko Plazako balkoietan ikusgai daudenak. Herriko 4 artistak osatutako epaimahaiak baloratu ondoren, aurtengo edizioan saritutako Zintzilik sariak honako hauek izan dira:

  1. saria: «Herriko zaindaria» Aratz Azpiri Maortua – Durango
  2. saria: «Perfección dolorosa» Ane Elgezabal Zalba – Durango
  3. saria: “Itzal gorri” Carmen Marín Gómez- Amorebieta

Bestalde, Zornotzarrek Zelaieta Zentroko hautestontzian emandako botoen bidez (115 bozka guztira), honako lan hau ere publikoaren saria jaso du:

Ikusleen saria: “Ser diferente es común / Ezberdina izatea ohikoa da”. AIDAE. (Desgaitasuna duten pertsonak integratzeko Amorebieta-Etxanoko Elkartea) elkarteko kideak egindako talde lana.

Aurten lehiaketara aurkeztu diren Zintzilik-ez gain, aurreko edizioetako 155 Zintzilik banatu dira eta Amorebieta-Etxanoko kaleetako balkoietan zintzilikatuta daude. Zintzilik guztiak uztailaren 28-rarte egongo dira ikusgai.

Zuzeneko pintura
Igande honetan, uztailaren 7an, goizeko 9etatik aurrera zuzeneko pintura lehiaketa ospatu da. Guztira 19 artistak, horietako batzuk Euskal Herritik kanpokoak, antolakuntzak aurten prestatutako gunean beren lanak egin zituzten.


Horrela, goizean zehar, artistak eta Amorebieta-Etxanoko herritarrak San Migel eta Jauregibarria kaleen arteko eremuan nahastu ziren. Pinturan adituak diren 4 laguneko epaimahai batek aurkeztutako lanen balorazioa egin zuen, eta honako hauek saritu ziren:

  1. saria. José Reyes Ramos. Leioa.
  2. saria. Eneko Arroza. Ispaster.
  3. saria. Juan Carlos Lang.
  4. saria. Ricardo Azkargorta. Bergara.
  5. saria. Iker Mugarra. Ugao.
    Seigarren saria, epaimahaiaren erabakiz, bi laguni eman zaie, bi lanek aintzatespen hau merezi
    zutela iritzita:
  6. saria. Zornotzako Lorea Eriz eta Bilboko Carlos Espiga.

Bi modalitateetako saridunei sariak emateko ekitaldia arratsaldeko 6etan egin zen Zelaieta Zentroko Auditoriumean.

Zornoza Arte eta Kultur Elkarteak Ainhoa Salterain (Amorebieta-Etxanoko Alkatea), Koldo Bilbao (Kultura eta Kirol zinegotzia), eta Bego Renteriaren, pintura-lehiaketa honi izena ematen dion Enrike Renteria herriko artistaren alaba, laguntza izan zuen sariak banatzeko orduan. Saritutako lanak Zelaieta Zentroan daude ikusgai eta interesatuek eskaintza bidez eros ditzakete. Bildutako kopurua helburu sozialetarako erabiliko da.

+ Irakurri

‘BELATXIKIETAKO ERMITAREN 75. URTEURRENA’ Juan Martin Iriondo Yurrebaso

Hurrengo belaunaldietarako ermita hori non, zer eta zergatik dagoen azaltzeko helburuarekin, 110 lekukok osatutako ikerketa emaitza da ‘75 urte Zazpitxaboletan’. Orain dela 75 urte Zazpitxaboletan ermita egin zen. Bai, gutxi batzuek bakarrik dakite Belatxikietako azpiko zelaiak Zazpitxaboleta izena duela. Izen

Musikaren Europako Egunarekin bat egingo du Amorebieta-Etxanok hainbat kontzertu eta musika-jarduerekin

Musika Bulegoak antolatutako programaren baitan emanaldi eta musika-jarduera desberdinak eskainiko dira ekainaren 19an eta 20an. Ekainaren 21ean Musikaren Europako Eguna ospatzen da. Hori dela eta, Musika Bulegoak, kultur eragileekin eta erakundeekin batera, musika-jarduerak eta -emanaldiak antolatu ditu Bizkaiko, Gipuzkoako eta

Belatxikietako ermitaren 75. urteurrena ospatuko du Amorebieta-Etxanok

Horretarako hainbat ekintza antolatu dira, horien artean «75 urte Zazpitxaboletan» liburuaren aurkezpena. Liburuak ermitaren jatorria, sorkuntza eta historia jasotzen ditu. Belatxikietako San Inazio baselizak 75 urte betetzen ditu arten. Eraikin garrantzitsua da hau Amorebieta-Etxanorentzat eta urteurrena ospatzeko hainbat ekintza antolatu