Amorebieta-Etxanoko Udalak 24.455 euro bideratuko ditu gizarte-ekintza arloan lanean dabiltzan elkarteak babesteko
● Guztira, irabazi-asmorik gabeko 12 erakundek jasoko dute dirulaguntza
Amorebieta-Etxanoko Udalak 24.455 euro bideratu ditu gizarte-ekintzaren arloko elkarteek egiten duten lana babesteko. Laguntza ekonomiko horien helburua da autonomia pertsonala sustatzeko eta mendekotasun-, babesgabetasun-, bazterketa- eta larrialdi-egoerak prebenitzeko eta artatzeko ekimenak bultzatzea. Udalak ekainean ireki zuen deialdia egoitza Bizkaian duten, jarduera Amorebieta-Etxanon garatzen duten eta proiektuaren hartzaileen artean gutxienez %50 bertakoak dituzten erakunde, elkarte eta fundazioek dirulaguntza hori eska zezaten. Horrela, irabazi-asmorik gabeko 12erakundek jasoko dute Udalaren laguntza.
Askotariko erakundeak
Amorebieta-Etxanoko Udalak 24.455 euro banatuko ditu aurten askotariko elkarteen artean, helburu sozialak diruz laguntzeko. Horrela, dirulaguntza jasoko duten 12erakundeak honako hauek izango dira: Down Sindromea Fundazioa (3.050 euro); Asebier (2.943 euro); Avifes(2.691 euro); AECC (2.691 euro); Gizakia (2.333 euro); Esklerosi Anizkoitza (2.153 euro); Caritas (2.000 euro); Gurutze Gorria (1.794 euro); Harrera Elkartea (1.623 euro); Elkar Laguntzen Zornotza (1.534 euro); ALCER Bizkaia (1.000 euro); eta Río de Oro Durangaldea (632 euro).
