Cartas al Director

Bidegurutzean “La Patata”, hil ala bizi.

Herri baten hazkundea modu eraginkorrean garatu dadin bere historia kontuan hatu beharra dago;inolaz ere ez handigurak,ez eta beste interes ilunik. Eta Zornotzan zer? Bizkargi mendiaren izenak Bizkai–erdi esan nahi du, mendi hau benetan baita gure herrialdearen erdi geografikoa. Bertako urak Ibaizabalera egiten dute bidea Garitondo eta San Bartolomo errekatxotatik. Ibaiertz honetan, antzina batean, zubi bat eraiki zuten, baita etxeak ere: Zubietxea eta Zubiondo bai behintzat. Bizkagiren oinetan, gizaldiak pasa ahala Zornotza herria kokatuz joan zen, errepideak finkatuz zihoazen einean, Bizkai erdiko bidegurutze bilakatu zelarik. Bertatik igarotzen baizen norabidea askotako errepide sarea.
Erreboluzioa ekarri zutenak, pasa den gizaldian, gasolinazko karruajiak, autoak eta Kamioiak, izan ziren. Era berean, industri garaipenak eta bere interes ekonomiko nagusiak sortu zuten produktuen garraioa eta auto joan-etorriak ikaragarriak izan ziren. Gure herriaren kokapena dela eta, Zubietxearen inguruan jiraka ikusi eta jasan behar izan ditugun auto-kamioi ilarak izan dira zornotzarrok garai horretan ordaindu dugun tributu astuna garapen industri-ekonomikoaren zerbitzuan. Arrisku, zarata, arnasten zen atmosferaren kutsadura,eta guzti honek ekar dezaken osasun arazoak ahaztu gabe.
Errealitate guzti hau gogoratu eta beraren lekutasuna emateko, Andres Nagelek zortzi metro alturako eskultura sortu zuen, bere sabel errimean Amorebieta letrak, sakabanaturik, grabatuta dituela. Esan beharrekoa da, lehen aldiz, lan artistiko honek, beren gordintasuna dela eta, beldurra ere sortarazi zuela zornotzarren artean. Esaten denez, zirikatzea, probokatzea, artearen helburuetako bat omen da, eta Nagelek hori behintzat lortu zuen. Gaur egun, aldiz, zornotzar askori zail zaigu gure herria irudikatzea ere egitura artistiko hau gabe, jadanik gure herriaren postala delako. Batez ere, arte modernoan dugun patrimonio bakarra dugulako. Zubietxeko egoera tristea eta gertaera mingarriak gai harturik, artearen edertasuna deskubritu eta ulertarazten digulako.
Orain berriz,Topaketa proiektoaren geriza handiak mehatxu egiten dio jadanik herriko historia den Nagelen obrari. Kontraesan ulerezina bada ere, Topaketa deritzon proiektu batek aldendu eta deshegin beharra, hain zuzen, gizaldi osoko topagune izan zaigunaren sinbolo artistikoa. “La Patata”, gaur egun, berriz, aukera biko bidegurutzean dago. Bat,hil. Kontraesan ulertezina bada ere Topaketa proiektuak aurrera eginez, lekuz aldatzea; edonora dela ere bere identitate artistikoa galduz, gizaldi osoan herritarron topagune izan denaren historia ezabatuz eta Topaketaren izenean hain zuzen. Bi, bizi. Bere identitatea artistikoa galdu gabe Topaketa proiektu horretan integratua izatea.
Amaitzeko, Zubi-Zuri gogoratu dezagun.Pertsona gehiagori erabilgarri izan zedin, Izosaki arkitekto japoniarrak gehigarri bat jarri zion zubi honi eta udalari isuna jarri zioten. Herri duintasunaren arren, beti topagune izan zaiguna Topaketan iraun dezala.
Pedro Berrioategortua.

ESKERRIK ASKO PAKI

Pakik agur esan zion Zornotza Aretoari pasadan hilabetean hogeitabost urteko lana eta
gero. Lerro hauekin eskerrak eman nahi dizkiogu bere lanagatik. Eskerrak kalefazioa
pizteagatik. Eskerrak aretoa zaintzeagatik. Eskerrak aretoko eserlekuetatik gure
gogokoena zein den jakiteagatik. Eskerrak sarrerak gordetzeagatik. Eskerrak txikiak
ginenetik aretoan egoteagatik. Eskerrak irribarre batekin bere aretoko azken eguna
gurekin banatzeagatik. Eskerrik asko Paki.

Parking trampa (Cartas al Director)

Justo enfrente de la subcomisaría de la Ertzaintza que permanece cerrada, no sé ni desde cuánto tiempo, hay cuatro plazas de parking reservadas para uso exclusivo de coches oficiales. Casi siempre están vacías, porque al no haber servicio de policía no las usa ningún coche oficial. Y digo casi siempre, porque a veces algún incauto conductor se atreve a dejar allí su coche, aunque sea por un ratito. Y zas, a la vuelta se encuentra una multa. Si no lo usan ellos, ¿porqué no las dejan para los vecinos? ¿Son unas plazas de parking trampa? ¿Están a la espera de cazarnos como a tontos? En Amorebieta no nos sobran plazas de aparcamiento. ¿Porqué el Ayuntamiento no las recupera aunque sea de forma temporal? ¿Hasta cuándo estarán esas plazas reservadas para unos coches oficiales que nunca llegan?
Un vecino

ATHLETIC 1-EMAKUMEAK 0

Maiatzaren 28a, Emakumeon osasun sexual eta erreproduktiboen eskubideen nazioarteko eguna izan zen eta udalak lau urte daramatzaz, Emakumeon Plataformaren laguntzaz, asteburu horretako larunbatetan emakumeontzako maratoia antolatzen Zubiondo Plaza eta Nafarroa Landetatik zehar.
Aurten ez da egin. Zer dela eta? Maitzaren 25ean, Athleticek Madrilen jokatu zuen Kopako Finalaren ospakizunak Zubiondo Plazan egin ziren eta bi ekimenak prest izateko zailtasunaren aitzakipean Udaleko berdintasun arduradunek bertan behera utzi zuten aipatu maratoia.
Zornotzako Bilgune Feminista ere Athletic zalea da eta pantaila erraldoia jartzea ondo ikusten du baina ez ahal dira bi ekimenak uztargarriak? Ez al ditu Zornotzak espazio nahikoak bi ekimenak egiteko? Gure desadostasunak eta zalantzak behin eta berriz helarazi genien arduradunei baina badirudi beraien ibilbide politikoan oztoporik ez dutela nahi eta modu zakarrez erantzuten ziguten.
Ondorio batera iritis gara, gure Udal gobernariak Athletic dutela beste udal politika guztien gainetik. Hortaz, Zornotzako Bilgune Feministak dei egiten die ekainaren 23an Anoetan jokatuko den Emakumeon Euskal Selekzioaren futbol partida ikustera joateko. Herrian pantaila erraldoia jarri behar badan eta aurrekontuetan ditu nahikorik ez badagoen gu prest gaude auzolanaz antolatzeko… Dena kirolaren lehentasunagaitik!
Ikusiko dugu Berdintasunerako Udal Batzorde berriaren lehentasunak eta funtzioak errealak ote diren. Oraingo honetan ez baita emakume eta gizonen arteko benetako aukera berdintasuna bermatu.

Posdata: Idatzi honekin ez dugu zinegotzi, politikari zein teknikariekin liskarretan sartu nahi, herritarroi gure testigantza eta gure errealitatea helarazi baizik. Beraz, aurreztu itzazuez hedabide honetara Zornotzako Bilgune Feministari zuzendutako erantzunak. Gurekin zuzenean harremanetan jarri nahi izanez gero bfzornotza@gmail.com helbidera idatzi.
Zornotzako Bilgune Feminista

www.amorebieta.com – Hilero Zornotzan © 2012

Ir arriba.