Kirolak

Euskal Herriko K1 selekzioak arrakasta lortu du munduko txapelketetan

Euskal Herriko K1 selekzioa Milan eta Japoniara joan zen mundu mailako K1 txapelketetan parte hartzera.
Aurreko asteburuan EHK1 Euskal Herriko K1 Federazioak bi talde bidali zituen munduko toki ezberdinetara konpetitzera Euskal Herria ordezkatzen, gonbidapen ofizialekin.
Alde batetik, emakume talde bat Milango K1 Munduko Open Amateur Txapelketa Ofizialean (Italia) parte hartu zuten. Hiru domina lortu zituzten, urrea, zilarra eta brontzea, Ikurriña podiumera eramanez.

Koloreak defendatu zituen taldea hurrengoa izan zen: Ada (bizkaia) urrea; Goizane (bizkaia) zilarra; Sandra (Gipuzkoa) brontzea; Anne(iparralde). Eta Andoni eta Nerea teknikariak.
Beste alde batetik, beste talde bat beste mundu mailako Open batean parte hartu zuen Tokion (Japonia), Euskal Herria ordezkatzen eta gure herriaren eta identitatearen irudi ona uzten.
Taldea hurrengo kirolariek osatu zuten: Lina (Gipuzkoa); Iván (Gipuzkoa); Jagoba (bizkaia); Edgar(Nafarroa); Yoan(iparralde); eta Jose(bizkaia), Mikel eta Javi teknikariekin batera.
Lehenengo aldia da Euskal Herria Italian eta Japonian ordezkatuta dagoela K1 txapelketetan eta hau EHK1 Federazioak konprometitutako ofizialtasunerantz aurrerapauso handia da, eta Euskal Herriko eremu guztiak barneratzen ditu proiektuaren barnean. Gainera, EHK1 Federazioa aitzindari da, Euskal Herria, Nafarroa, Iparralde eta diaspora osoarentzat lizentzia bakarra ateratzen, eta baita Berdintasun Sail bat sortzen, Federazio berri honek antolatzen dituen edo parte hartzen duen ekimenak berdintasuna bermatzen dutela ziurtatzeko.

ELUR GORITAN, sumendi izoztuetan barrena eskien gainean egindako dantza

Amaia Larruzea Motxobe

Bada bizitzan bete beharreko zerrendan ametsek tartea hartzen duten unea ere, eguneroko zereginek irudimenari tarte bat lagatzen dioten unea, alegia. Horien artean, norbere afizioa bizi eta sentitu ahal izateak eskaintzen duen gozamena gauzatzeko unea, eta seguruenik, horixe izango da norbera gehien motibatzen eta ilusionatzen duen irudimen hautua.

Zer esan, bada, zerrenda horretan zeure hurrengo abenturak duen tokia lehen mailara igo eta erronka bera prestatzen hasiz gero, bat-batean, une horretan barneko mugimendu bat sentitzen da, izan ere, urduritasun eta ezjakintasun hori sentitzeak gozamen gogo horrekin egiten baitu bat.

Beraz, behin amets hori zerrendaren gorenean izanik, marka dezagun, bada, letra larriz, zein eta… KAMCHATKA. Horixe baita gaurkoan irudikatuko dugun bidaia eta horixe apirilaren erdialdean, Pello Amantegi, Eneko Aurrekoetxea, Jon Apeztegia eta Xabier Etxabe zornotzarrek, Aratz Otaegi, Jurek Ziemkiewicz, Igor Bernas eta Iker Larrañaga kamerarekin batera bizi izan zuten esperientzia aberasgarria.

Loiura abiatu, Moscura iritsi eta zortzi orduren bueltan helmugan zaudela sentitu. Sugarra eta elurra uztartzen diren tokia; inguru basatia, benetan, zibilizazio gutxi eta bakardadea nagusi dena. Hori omen da bilatzen zutena eta hori bizi garen mundu estresagarri honetatik at mendizaleok gehien bilatzen duguna; egunerokoan bizi dugun masifikazioaren ondorio garbia. Hor nonbait, basamortu izoztu batera iritsi eta bailara amaigabeetan eskien dantzari jarraiki aurrera egitea, horixe egunotako egin beharreko gauzen zerrendan idatzitako bakarra. Halakoak izango balira urteko egun guztiak! Halakoak izanez gero ere, beste zerbait nahiko genuke, baina utzi ditzagun pentsamenduak alde batera, eta goza dezagun eskiek elurrarekin uztartzean egiten duten soinuaz, baita sugarraren usainaz ere. Ikaragarria!

Errusiarrak jende serioa, zatarra eta enpatia gutxikoak direla entzuna zeukaten zornotzarrek; aurreiritziak, ordea, hautsi egiten omen dira bertara hurbiltzean. Hurbileko pertsonak eta beti laguntzeko prest daudenak aurkitu baitzituzten bertan. Hala ere, ez pentsa erreza izan denik elkarren arteko erlazioa, bertan ez baitute ingelesez ezertxo ere hitz egiten, eta hortaz… nola komunikatu? Ez larritu, mugikorrak buruhasuste asko ematen dituen arren, noizbehinka poztasunen bat edo beste ere ematen du-eta. Itzultzailea jarri eta bere bidez une oro, auskalo, ordea, zer egongo ote dan itzultzen, aurpegi arraro xamarra jartzen ari dira errusiarrak-eta! Horren kontura, barre galantak egindakoak dira bertan.

Askok oroitzapenak burmuinean gorde eta bihotzean sentitzearekin nahiko dutela aitortu arren, ba al da esperientzia hori bizi eta gerora bizipen horrek berpizteko ahalmena duten irudiak barnean gordetzea baino gauza hoberik? Bai horixe, esperientzia hori grabatu ahal izatea. Argazkia unea izozteko gai den erreminta bakarra da munduan, eta irudia, ordea, mugimendua izozteko gai den bakarra. Eta argi izan gero, Elur Goritan taldekoek betirako barnean eramango duten sentipena izango dela, sumendien eta elurraren arteko uztarketa horrek eztanda egingo baitu Mendifilm Festivaleko sekzio ofizialean, bertan izango baita ikusgai istorioa oinarri izango duen esperientzia paregabe hau.

Euskal Herriko K1 taldea Zornotzan aurkeztu da

Jokin Ibarra EHK-1F ko nagusiak egin du aurkezpena eta lehendik eta behin argi utzi nahi izan ditu helburuak: Euskadik nazioarteko lehiaketetan parte hartzea, Euskararen alde kirolean egitea eta Kirol garbia, gardena eta kirolarientzat defendatzea.

«Lehen urtean bi txapelkeetara joan ginen, gonbidapen ofizialekin, dominak lortuz, bata Rigan (Estonia), eta bestea Dublinen. Aurten, gonbidapen ofizialekin baita ere, lehenengoz EMAKUME talde bat bidaliko dogu Milaneko Munduko txapelketara, eta mutilen beste talde bat Japoniara, Euskal Herria ordezkatzen».

Andoni Saavedra zornotzarra izango da kirol arduraduna. «Bizkaitik Goizane eta Ada joango dira, Gipuzkoatik Sandra eta Iparraldetik Ane».

Andoni Agirrebeitia Amorebieta-Etxanoko alkateak eskertu egin du Ukabilak taldeak egiten duen lana. Bestalde, Japoniaken hitzegiten egon ondoren, K-1 Japan marka ofizialarekin, berri on bat emon dute jakitera. «Euskadin Mundial bat antolatzeko aukera daukagu», esan du Jokin Ibarrak. Oraindik kontratua sinatu behar dute eta tokia aukeratu. 2.000 pertsona inguru etorriko dira lehiaketa honetara, aukera ona gure ohiturak ezagutarazteko».

Alain Granado gana en tierra batida

El zornotzarra Alain Granado de 12 años de edad del Club CT Zornotza ha resultado ganador en Open Laukariz Alevin en tierra batida, ganando la final a Erik Fernandez del Club de tenis de Llodio, por 6-3 7-5.

Benetako ziklo krossa Zornotzan

Euria egin du asetu gabe eta Jauregibarriako zirkuitoan urak gainezka egin du hainbat tokitan. Lokatza nahi beste, eta txirrindulariek jo ta ke lasterketa bukatzeko.

Kadete mailan horrela sartu dira helmugara:
1. Unax Salterain 2. Mikel Unzilla 3. Gorka Corres
Emakumeak: 1. Naia Imaz 2. Izaro Fernandez 3. Amaia López

Junior: 1. Aimar Erostarbe 2. Sergio Diego 3. Mikel Beraza

www.amorebieta.com – Hilero Zornotzan © 2019

Ir arriba.