Zornotzan

Berriak, Gazteria

Bizkaiko 400 ahots baino gehiagok tributo kontzertu bat eskainiko diote Ken Zazpi taldeari Amorebieta-Etxanon

• “Ken Zazpi Ahotsez” larunbat honetan izango da, irailak 29, iluntzeko 20:00etan.
• Koru musika, musika sinfonikoa, dantza, antzerkia, poesia eta ikus-entzunezko arteak nahastuko dira ikuskizunean

Amorebieta-Etxano izango da “Ken Zazpi Ahotsez” ikuskizunaren agertokia. Abesbatzek Euskal Herriko pop musikako talde ospetsu honi omenaldi bat egingo diote irailaren 29an, 20:00etan, Zelaieta pilotalekuan.
Pop euskalduneko talde ezagun honi karrera oso batean egindako lana aitortu nahi zaio. Ikuskizunean taldearen musikak egindako bidea ikusiko da, bereziki egun honetarako sortuko bertsioak entzungo direlarik. Agertokian hainbat diziplina elkartuko dira: koru musika, musika sinfonikoa, dantza, antzerkia, poesia eta ikus-entzunezko arteak.
“Ken Zazpi Ahotsez” emanaldi honetan 400 ahots bilduko dira, Bizkaia osoko abesbatzetakoak eta adin guztietakoak (Bilbo, Santurtzi, Algorta, Sondika, Zamudio, Derio, Mungia, Basauri, Zornotza, Ugao, Markina, Gorliz eta Bakioko abesbatzetakoak); eta ahotsez gain: “Piccolo String” ganbera orkestra; Celia Baños piano jolea; eta dantza garaikideko “Biarte Dantza Eskola”ko dantzariak. Guztia Azucena Molina aktorea lagun dugula eta Ius Perezen musika moldaketekin eta bere gidaritzapean.
Ikuskizuna, Bizkaiko Abesbatzen Elkarteak antolatu du eta Amorebieta-Etxanoko Udalak lagundu. “Ongi Etorri Errefuxiatuak!” plataformaren alde egingo da.
Sarrerak Bizkaiko Abesbatzen Elkartean daude salgai (Egaña kalea 18, 1- Bilbo- Tel. 944244045) eta leihatilan.
Ahots hauek berriro entzun ahal izango dira abenduaren 30ean Barakaldo Antzokian.

+ Irakurri

Amore Open 2024: El cubo de Rubik se resuelve en el Zelaieta

Amorebieta-Etxano acogió el 17 y 18 de febrero, la competición de cubos de Rubik más grande de Euskal Herria. Alrededor de 150 participantes, nacionales e internacionales llegados de Euskadi, España, Francia, Alemania e incluso de Corea del Sur, mostraron sus

Alazne Oliver, 27 años, una psicóloga jefa de obra en un parque eólico en Egipto

A veces la vida nos sorprende y nos coloca en lugares insospechados y trabajos inauditos para nuestra formación académica. Es lo que le ha sucedido a esta joven Licenciada en Psicóloga y experta en RRHH. Alazne Oliver, una joven de

Gazte Eguna 2024

Itzela izan da aurtenho Gazte Eguna. Hemen argazki batzuk.