Gente asko harrituta geratzen da, Luis Urrengoetxean dagoen kalejoira sartzerakoan, ezkerretara zegoen Aldazabal harategia orain jende gainezka egoten dela ikusterakoan. Hemen bertan jarri baitu Besue taldeak bere elkartegunea.
Besue espazio kulturala; kultura, feminismoa eta euskara bultzatzeko espazioa da. Nagore Palacios Besue elkartearen sortzaileetako bat izan da, bere inguruko jendeari kultura arloan zeuden gabeziak galdetuz eta lehenengo batzarrak hasiz.
Besue elkarteko helburua gero eta bazkide gehiago izatea da, 120 bazkide ingurura heltzea espero dute. Gaur egun, 37 bazkide dira taldean, bakoitzak ahal duen aportazioarekin laguntzen du. Kudeaketa taldea 8 emakumek osatzen duten arren, gizonezkoak ere ateak zabalik dituzte bazkide izateko edota ekintzetan parte hartu ahal izateko.
Bazkideak ekintza guztietara dohainik sar daitezke. Ekintzak leku berean antolatzen dira eta denetarik dago: margoketa, euskal dantzak, eskulanak, etabar. Baita bakoitzak bere arloan egiten duen ikaskuntza bertan landu ahal du eta herriari eskeini.
Azken hilabeteei begira, Aste Santuan zehar umeentzako eskulan eta zientzia tailerra antolatu zuten eta apirilak 19an, Amaia Astobizak itzulitako Puta Zikinak liburuko aurkezpena eta solasaldia jardun zuten.
“Kultura, euskera eta feminismoa herri erdire ekarri dogu eta herrien hau falta zan. Besue ezagutuz gero, animatu gugana hurbiltzera, informazioa eskatzeko eta kontaktuan jartzeko. Adostasun batera heldu ahal gara”.
