Iazko arrakasta ikusita, aurten ere, Zornotzako Udabarri Euskal Dantzari Taldeak Umeen Dantzari Eguna antolatu du. Umeek euskal dantzez gozatu eta egun polit bat igarotzeko asmoz. Jaialdia bihar maiatzaren 11an ospatuko da, eta Durangaldeko taldez gain, Bizkaiko beste zenbait taldek ere hartuko dute parte. Egun osoko egitaraua dago antolatuta: goizean, herriko kaleetan zehar kalejira egingo dute taldeek, ondoren, bazkaltzera joango dira, eta arratsaldean izango da ekitaldi nagusia.
Badator Umeen Dantzari Eguna!
