Zornotzan

Kirolak

Astelehenean hasiko da kiroldegiko ikastaroetan izena emateko epea

• Interesdunek hilaren 29a arte izango dute izena emateko aukera Larrea Kiroldegiko harreran edo udal webgunean https://izenemateak.amorebieta-etxano.eus. Plazen zozketa abenduaren2an egingo da eta hilaren 12an Larrea kiroldegiko iragarki taulan argitaratuko dira plaza lortu dutenen izenak. 

Begirada datorren urtean jarrita, Amorebieta-Etxanoko Udalak antolatu ditu dagoeneko 2023ko lehen hiruhilekorako kirol ikastaroak. Horri jarraiki, izen emate epea datorren azaroaren 21ean zabalduko da, hilaren 29a arte eta zornotzarrek kirol ikastaro aukera zabala izango dute kirola egiten jarraitzeko. Antolatu diren ikastaroak dira: mantentze gimnasia, egokitze fisikoa, GAZ, Xunba, Pilates, Spinbike, Aquagym, eta helduen eta umeen igeriketa.

Izen-emateko baldintzak

Izena emateko epea, esan bezala, azaroaren 21ean zabalduko da eta hilaren 29a arte luzatuko da. Interesdunek Larrea Kiroldegiko harreran edo udal webgunean https://izenemateak.amorebieta-etxano.eus (estela astelehenetik aurrera egongo da erabilgarri). Ohikoa den moduan, izena ematen duten pertsona kopurua eskaintzen diren plazak baino altuagoa bada, zozketa egingo da abenduaren 2an, eta abenduaren 12an onartu eta baztertuen zerrenda argitaratuko da iragarki taulan. Udalak gogorarazi du bakoitzaren ardura izango dela zerrenda horretan agertzen den egiaztatzea.

Era berean, plaza duten pertsonek abenduaren 16a arte entregatu ahal izango dute matrikularen konfirmazio-orria.Horren ostean, itxaron zerrenda egonik, hutsik gelditu diren plazak hartzeko aukera dutenen zerrendaabenduaren 19an argitaratuko da eta kasu horretan ere, bakoitzaren ardura izango da zerrendan dauden ala ez egiaztatzea. Ikastaroan matrikulatu nahi dutenek, abenduaren 22ra bitartean entregatuko dute ikastaroa egiteko konfirmazioaren inprimakia. Udalak gogorarazi du plaza lortu arren ezarritako epean matrikula konfirmatzeko inprimakia entregatzen ez duten eskatzaileek plaza izateko eskubidea galduko dutela.

Ildo horretan, matrikula konfirmatzeko epea igaro ondoren, plazaren bat hutsik geratzen bada, abenduaren 23tik aurrera Larrea kiroldegiko harrerara bertaratu eta matrikulaegiten duten pertsonentzat izango da. Ordenan esleituko dira plazak, harrerara iritsitako lehenetik hasita.

Amaitzeko, matrikula konfirmatu ondoren baja eman nahi duten pertsonek idatziz jakinarazi beharko dute, eskaera Zelaieta zentroan erregistratuz. Baja eskatzeko data izango da itzulketaren zenbatekoa kalkulatzeko kontuan hartuko den erreferentzia.

Umeen Igeriketa ikastaroa

Plazarik lortu gabe, itxaron-zerrendan geratzen diren haurrek plaza bermatua izango dute hurrengo ikastaroan, eskatutako maila eta ordutegi berean, itxaron-zerrendaren ordenari jarraituz eta bertako plaza-kopuruaren arabera betiere. Horretarako, ezinbestekoa izango da ikastaro berrirako ezartzen den epean izena ematea.

+ Irakurri

Harrera ona izan dute Amorebieta-Etxanoko emakumeen osasuna eta kirola sustatzeko jarduerek

Ekimen hau Emakumeen Osasunaren Nazioarteko Ekintza Egunarekin bat etorri zen, eta udalerriko elkarte, kirolari eta herritar ugari bildu zituen, Udalak emakumeen artean osasuna eta kirola sustatzeko duen konpromisoa islatuz. Joan den igandean, ekainaren 2an, Amorebieta-Etxanoko Udalak jarduera jardunaldi arrakastatsua egin

Rekalde, Ibarluzea eta Gaminde dira Master Kaiolako txapeldunak

Master Kaiolako bederatzigarren edizioak aurtengo txapeldunak ezagutuko ditu, bi pilotari bizkaitar eta gipuzkoar bat. Larunbat arratsaldea emakumezkoen mailako neurketarekin hasi zen eta Enara Gaminde (Lea Ibarra) izan zen txapelduna Goiuri Zabaleta (Aurrera Leiza) 22 eta 1 garaituta. Ikuskizun handia espero

MAREAMORE NFK

Zornotzako Nesken Futbol Kluba Mareamore NFK Zornotzako eta inguruko kadete mailako (14-18 urte) neska futbol jokalarientzako sortu den kluba da. Oraindik harritzen gaitu gurea bezalakoa den herri batean neskentzako futbol talderik ez egotea; edo behintzat nesken futbolari jarraikortasuna ematen dion