Zornotzan

Kultura

Amorebieta-Etxanoko Txistu Egunaren XX. edizioa ospatuko da irailaren 24an

• Udazken Txistulari Taldeak antolatu du ekitaldia eta zortzi bandak hartuko dute parte 

Aurten ere Udazken Txistulari Taldeak Txistu Eguna antolatu du Amorebieta-Etxanoko Udalaren babesarekin. Ekitaldia datorren irailaren 24an, larunbata, 17:00etatik aurrera egingo da. Horrela, aurten Txistu Egunarekin XX.edizioa ospatuko da. Udazken Txistulari Taldeak txistua zabaltzeko lan egiten du, gure kultura tradizionalari lotutako musika-tresna gisa, baina bizirik jarraitzeko eta egungo gizartean parte hartzeko borondatea duena bultzatuz. Taldeak instrumentu hau gure gizartean, ospakizunetan eta herriko musika eskaintzan ohikoa izatea bilatzen du. Horretarako, kalejira egiten du urteko igande guztietan (abuztuan izan ezik) eta Amorebieta-Etxanoko auzoetako jaietara joaten da. Gainera, duela 22 urtetik hona, Karmengo jaietan, txistularien kontzertua antolatzen du, beste herri batzuetako musikariekin, abesbatza batekin, metalekin eta abeslari gonbidatuekin.

Txistu Egunaren helburua da herriko kaleetan zehar banda ezberdinak jotzen entzuteko aukera eskaintzea eta herritarrei txistulari taldeen musikaz gozatzeko aukera ematea. Horrela, irailaren 24an zortzi taldek hartuko dute parte Txistu Egunean: Iruñeko Oskia txistulari taldea; Eibarko Usartza; Legazpiko Goiz Deia; Lekeitioko Itxaropena; Bermeoko Kankinkabara; Errenteriako Gazteak; Durangoko Jaizale eta Amorebieta-Etanoko Udazken txistulari taldea. 

Kalejirak eta kontzertuak arratsaldean zehar

Txistulari talde bakoitzak herriko hainbat gune zeharkatuko ditu Txistu Egunean: Gane, Ixer, Sabino Arana, Zubibitarte, Zubipunte, Bizkaia eta San Juan, Santa Ana eta Andrandi. Ondoren, 18.00ak aldera, talde guztiak arituko dira herrian zehar kaleak alaitzen, Zelaieta Zentrotik abiatuta eta Udaletxea San Pedrotik, San Migeletik, zeharkatuz eta gero, ondoko lekuetara iritsi eta espazio bakoitzean kontzertua eskainiz: Gernika plaza; Andra Mari plaza; Ibaizabal kalea Ogenbarrenari; Venezia; Kalbarioko plaza; Harrison; Tomasa plaza Luis Urrengoetxean eta Euskal Herria plaza. Gainera, Udazken txistulari taldetik adierazi dutenez, Txistu Eguneko talde berberek parte hartuko dute Ogenbarrenako jaietan, 19:00etan.

+ Irakurri

Musikaren Europako Egunarekin bat egingo du Amorebieta-Etxanok hainbat kontzertu eta musika-jarduerekin

Musika Bulegoak antolatutako programaren baitan emanaldi eta musika-jarduera desberdinak eskainiko dira ekainaren 19an eta 20an. Ekainaren 21ean Musikaren Europako Eguna ospatzen da. Hori dela eta, Musika Bulegoak, kultur eragileekin eta erakundeekin batera, musika-jarduerak eta -emanaldiak antolatu ditu Bizkaiko, Gipuzkoako eta

Belatxikietako ermitaren 75. urteurrena ospatuko du Amorebieta-Etxanok

Horretarako hainbat ekintza antolatu dira, horien artean «75 urte Zazpitxaboletan» liburuaren aurkezpena. Liburuak ermitaren jatorria, sorkuntza eta historia jasotzen ditu. Belatxikietako San Inazio baselizak 75 urte betetzen ditu arten. Eraikin garrantzitsua da hau Amorebieta-Etxanorentzat eta urteurrena ospatzeko hainbat ekintza antolatu

‘VLAD ION’ Danza Contemporánea

Vlad Ion, de practicar Break Dance en el parque Zubiondo a bailar danza contemporánea en el circuito Europeo. El zornotzarra Vlad Ion y Guillem Batlle, bailarines de danza contemporánea, utilizan el humor como herramienta para extender la danza a un