Amorebieta-Etxanoko DBH2ko ikasleak Astepeko araztegia bisitatzen ari dira

Amorebieta-Etxanoko Udaleko Iraunkortasun eta Zerbitzuen Sailak antolatuta, Karmelo, Andra Mari, Karmengo Ama, Urritxe eta Lauaxeta ikastetxeetako ikasleak Astepe araztegia bisitatzen ari dira astean zehar. Lehenengo bisita urriaren 6an egin zen, eta azkena, ostiralean egingo dute, urriaren 10ean. Guztira, 267 ikaslek izango dute araztegia bisitatzeko aukera.
Bisitaren helburua ura garbitzeko teknika ezagutzea da, eta ur zikina garbi bihurtzeko prozesua gertutik ezagutzea. Bisitak 45 minutuko iraupena du, eta besteak beste, ikasleek hondakin-urei ematen zaien tratamendu biologikoa ikusten dute. Tratamendu horri esker, hasierako materia organikoa eta esekiduran dagoena ia erabat desagerrarazten da, eta berriro isurtzen da Ibaizabal ibaira.
Bisitak bi parte ditu. Lehenengoan, azalpen orokorra jasotzen dute Power Point baten laguntzarekin. Bigarrengoan, araztegian zehar bisita gidatua egiten dute.

www.amorebieta.com – Hilero Zornotzan © 2014

Ir arriba.