Amorebieta-Etxanok emakumeen kontrako indarkeriari aurre egiteko proiektuan parte hartu duten gazteak saritu ditu

• Berdintasun Sailak ikasleek Beldur Barik lehiaketan egindako lana ezagutzera emateko gala bat antolatu du gaur goizean
• Zornotzako 14 taldek parte hartu dute lehiaketaren deialdi berri honetan. Lehiaketaren helburua errespetua eta berdintasuna sustatu eta indarkeria sexistaren prebentzioa dira
Amorebieta-Etxano, 2017ko otsailaren 21a. Zornotzako hainbat ikastetxetako ehun ikasle baino gehiago izan dira gaur egin den galako protagonistak. Gala hau Amorebieta-Etxanoko Udaleko Berdintasun Sailak antolatu du emakumeen kontrako indarkeriari aurre egiteko agertu duten konpromisoa ezagutzera emateko. Konpromiso horren isla da Emakundek martxan jarritako Beldur Barik lehiaketan parte hartu izana.
Beldur Barik programa Emakundek, Berdinsarea-Eudel eta Arabako, Bizkaiko eta Gipuzkoako Aldundiek martxan jarri dute eta Eusko Jaurlaritzako Hezkuntza saileko, Euskal Herriko Unibertsitateko eta EITBko laguntza du. Lehiaketaren helburua errespetua eta berdintasuna sustatu eta indarkeria sexistaren prebentzioa dira. Berdintasun Sailak heziketa programa bat garatzen du emakumeen kontrako indarkeriaren prebentziorako, batez ere tailerren bidez. Horietako bat da Beldur Barik tailerra da, indarkeriaren inguruan lan egiteaz gain, lehiaketara aurkezteko hainbat bideo prestatzeko lan egiteko aukera ematen duena.
Aurtengo deialdia arrakastatsua izan da. 14 dira jadanik beraien lanak aurkeztu dituzten zornotzarrak, Bilbo eta Santurtzi bezalako herri handien ostetik, Amorebieta izan delarik lan gehien aurkeztu dituen Bizkaiko herria.

www.amorebieta.com – Hilero Zornotzan © 2017

Ir arriba.