Aitor Rubio (Amorebieta, 1970) Musikaria, konpositore, ekoizle, moldatzaile. Gitarra-jolea hainbat estilotako musika talde ezberdinetan; Gu ta gutarrak, Mikel Urdangarin, El Consorcio, Xabi San Sebastian Band, Gu gira, Euskal Kanturik Onena, Analupe, Bar Puerto, D.N.A.M, Gorka Knörr, Drinking Rock. Gaur egun Musikaudio estudioan egiten du lan. Hainbat eta hainbat diskotan parte hartu du. Bizitza guztia darama musika inguruan lan egiten, eskarmentu handikoa eta orain diska propioa atera berri du. “Orain arte ez dut argi izan zer nahi nuen. Eta azkenean lortu dut nahi nuena”.
Argi izpiak (Elkar)
Hala du izena Aitor Rubioren disko berriak. Bederatzi abesti euzkaraz, lasai dastatzeko. Berak egindako ekoizpenak eta moldaketak.«Edertasuna bilatu nahi izan dut nire abestietan. Nire aurre egiteko modua izan da». Aitor, edertasunaren bila joan da, teknikoki eta kontzeptualki. Ahalik eta ondo egitea izan da helburua.
Bederatzi abesti guztiz gomendagarriak. «Errezena, lau garrasi hosti txarrarekin emandakoak grabatzea izango zen, baina momentu honetan benetan entzun nahi nuena egin dut. Oso baikorra da diskoa. Entzuleentzako laguntzailea izatea espero dot, hobeto sentitzeko”.
Musikari autodidakta batek egindako album terapeutikoa, positiboa, batzuetan lasaigarria, eta kalitate eztabaidaezina duena. Abesti guztien musika eta letra konposatu du Aitorrek. Gainera diskoan agertzen diren instrumentu guztiak berak grabatu ditu ere, bat izan ezik, Josu Zabalaren (Hertzainak) akordeoia bi abestian: Argi izpia eta bero bihotzean.
Edizioa, nahasketa eta masterizazioa ere berak egin ditu, baita diskoaren azala eta barne diseinua ere. Elkar etxeak.«Beste begirada batera gonbidatzen duen diskoa da»
Disko zoragarria, bere semea Izeiri eskainia. Benetako abestiak, arima eta sentimenduz egindakoak eta kalitate tekniko handiarekin. Argi izpiak, modu lasaian entzutea merezi duen diskoa da.
