Zornotzatik 47 dorsal lortu dira, eta Zornotzakoak diren baina beste herri batzuetan bizi diren beste 3 kirolari ere izango dira irteeran. Hauen guztien artean hiru emakume ditugu. Horrenbestez, Zornotza lasterketa honetara korrikalari kopuru handiena bidaltzen duten herrien artean dago. Baina adi, aurreko urtean Zornotza bigarren geratu zen finisher kopuruan, Gasteizen atzetik, hau da, gure kirolari gehienek lasterketa bukatzea lortu zuten. Animo beraz eta eutsi gogor!! ZMT-ko kamisetak duzuenok erabili eta harro sentitu!!!
Aurten, 2016ean, URRIAREN 15ean ospatuko den 100 km-ko proba hau, aski ezaguna da gaur egun, Euskal Herri eta inguruetan. Izan ere, euskaldunontzat ikur diren hiru gailurrak igaro beharko ditugu Ultra-Traila bukatu ahal izateko. Ibilbidea Ondategi, Gorbeia, Ubidea, Otxandio, Urkiola, Anboto, Landa, Sierra Elguea, Urbia, Aizkorri eta Araia ditugu. Beraz, hurrengo asteburuan 15ean denok hitzordu bat daukagu mendiarekin, adiskideak eta familiakoak laguntzen edota proba burutzen.
HIRU HAUNDIAK proba duela urte batzuk sortu zen. Ez dakite ondo nori egokitu ideia ezta izena ere. Baina seguruenik, mendizale amorratu baten eskutik dator, erronka ulertezinak, gogorrak, sufrimenduz betetakoak baina baita pozgarriak ere maite zituen batetik. Horrexegatik, 1987. Urtean MANUEL IRADIER ELKARTE TXANGOZALEAk modu irekian antolatzea pentsatu zuen. Arrakasta ikaragarria izan zuen, mendizale asko animatu ziren eta ahotik ahora igaroz joan zen oihartzuna. Bakoitzean jende gehiagok ezagutuz. Gainera, lehenengoz aldiz jarri zituzten denbora maximo eta minimoak derrigorrezko kontroletan. Hau sekulako berritasuna izan zen. Probaren zailtasuna areagotzen baitzuen.
Hiru Handiak 2016 iraupen luzeko zeharkaldia, helburu eta aburu.
