Zornotzan

Albisteak

3 kasu berri Amorebietan, guztira 128

Amorebieta:Atzo ez zen kopurua mugitu. Baina gaur 3 pertsona gehiago kutsatu direla jakin izan dugu. Guztira 128 dira.
Euskadi: 19 hildako izan dira azken orduetan, eta guztira 1.274 pertsona hil dira. 55 pertsona kutsatu berri dira eta guztira 12.619 dira. Baina sendatutakoak gero eta gehiago dira, atzo 500 gaixo sendatu ziren eta guztira 10.474 dira.
Espania: Sendatutakoak ere gero eta gehiago dira, atzo 6.399, eta datuen arabera 108.947 sendatu dira. Baina hildakoen kopuruak apur bat gora egin du, eta atzo 325 hil ziren eta 2.144 gaixotu dira.

(EITB)Espainiako Gobernuak deskonfinamendu plan bat diseinatu du, lau fasetan, eta maiatzaren 4an hasiko da. Neurri guztiak probintziaka edo uharteka aplikatuko dira, eta ekainaren amaierarako «normaltasun berria» iritsiko dela aurreikusten du.

Fase bakoitzak bi aste iraungo du eta, hurrengo etapara igarotzeko, osasun adierazleek datu onak erakutsi beharko dituzte. Ondoren, «normaltasun berriaren» etapari helduko zaio, baina indarrean jarraituko dute kontrol neurriek eta prebentzio materiala erabili beharrak.

0 fasea (egungoa)

Fase honetan, paseatzera irteteko baimena dute adingabeek joan den igandetik, eta maiatzaren 2an helduei baimenduko zaie irtetea. Maiatzaren 4tik aurrera, lokalak ireki ahal izango dira banakako jarduerekin eta aurretiko hitzorduarekin. Kirolari profesionalek eta federatuek banakako entrenamendua egin ahalko dute.

Fase hau lokal eta negozio guztiak seinaleztatzeko eta jendeari irekitako lekuak prestatzeko baliatuko da, 1. fasera pasatu ahal izateko.

1. fasea

Maiatzaren 11tik aurrera, probintzia edo uharte bakoitzean (beti segurtasun neurri zorrotzekin) saltoki txikiak, eta tabernetako eta jatetxeetako terrazak edukieraren % 30ean ireki ahal izango dira, baita landa hotel eta ostatuak ere, baina espazio komun itxiekin. Adineko pertsonentzako «lehentasunezko» ordutegi bat ezarriko da, beren segurtasunagatik, talde ahulena baitira.

Arrantza eta nekazaritzako elikagaien jarduerak ere fase honetan itzuliko dira, murrizketa batzuekin, baita otoitz-lekuak ere, baina edukiera mugatuarekin.

2. fasea

Datuek hamabost eguneko fase-erritmo horrekin jarraitzea ahalbidetzen badute, jatetxeek barruko espazioak ireki ahal izango dituzte, bezeroentzako tarteekin. Gainera, ikasturtea irailera arte hasiko ez bada ere, ikastetxeak berriro irekiko dituzte errefortzu jardueretarako, 6 urtetik beherakoek joateko aukera izan dezaten, guraso biek lan egin behar badute.

Ehizari, arrantzari, zinemari eta antzokien jarduerari ere berrekingo zaio, edukiera heren batera mugatuta. 50 pertsona baino gutxiagoko kultura-ekitaldiak egin ahal izango dira, baita kanpoan ere 400 pertsona baino gutxiago badaude. Otoitz-lekuek beren edukieraren erdia hartu ahal izango dute.

3. fasea

Mugikortasun orokorra malgutuko da, baina musukoa etxetik kanpo eta garraio publikoetan erabiltzea gomendatuko da. Edukiera % 50era mugatuko da, eta gutxienez bi metroko distantzia egongo da merkataritza eremuan; edukiera-murrizketak eta zaharberritze-lanak leunduko dira, baina jendearen artean bereizteko baldintza zorrotzak mantenduko dira.

Sanchezen arabera, maiatzaren 11n baldintzak betetzen dituzten probintzia guztiak 1. fasera pasatuko dira. Hamabostean behin, Osasun Ministerioak markatzaileak betetzen diren ebaluatuko du, eta hurrengo faseetara igarotzea erabakiko du.

+ Irakurri

Gaueko autobus zerbitzua antolatu du beste urte batez Amorebieta-Etxanoko Udalak bailarako udako jaietatik etxera itzultzeko

Arratiako Udalen Mankomunitatearekin eta Galdakaoko Udalarekin batera eskainiko du garraio zerbitzua gazteek festez gozatu eta kezkarik gabe bueltatu ahal izateko. Amorebieta-Etxanoko Udalak, Arratiako Udalen Mankomunitatearekin eta Galdakaoko Udalarekin batera jaietatik etxera bueltatzeko gaueko autobus zerbitzua antolatu du udako hilabeteetarako. Gazteak

Ekainaren 6an zabalduko da Amorebieta-Etxanoko haur danborradan izena emateko epea

Amorebieta-Etxanoko haur danborrada tradizio handiko ekitaldia izan ohi da Amorebieta-Etxanoko jaietan. Uztailaren 26an ospatuko da eta bihartik hasita ekainaren 14ª bitarte zabalik egongo da izena emateko epea. Danborradan parte har dezakete 5 eta 13 bitarteko haurrek (2011-2019 artean jaiotakoak). Interesdunek

‘ARGENTINA’ Irati Lezama

Iratik beti izan du argi psikologa izan nahi zuela. Horregatik, karrera Deustun eta Masterra Donostian egin ondoren, Buenos Airesera itzultzea erabaki zuen (aurretik han ikasten aritu baitzen), lanera eta batez ere bere formakuntza aberastera. Pozik etorri zen Erasmuseko hilabeteetan Argentinan