Movistarreko eta Kutxabankeko bi bulego erasotu dituzte Zornotzan

Gauerdian gertatu da erasoa. Movistar eta Kutxanbank konpainietako bi bulegoetan kalteak izan dira lehergailu su-eragileak jaurti ostean, Eusko Jaurlaritzako Segurtasun Sailak jakinarazi duenez.

Telefono konpainiako enpresaren bulegoak kalteak jasan ditu aurrealdean eta sarrerako atean eta Kutxabankeko bulegoak ere kalteak izan ditu diru ateratzeko makina batean eta sarrerako atean.

Lehergailu su-eragileak aurkitu dituzte erasoaren tokian eta orain jasotakoa aztertzen ari dira.