Kultura

Wenses y Lala antzezlanarekin hasiera emango zaio Zornotza Aretoko denboraldiari

• Ikuskizuna ostiral honetan ikusi ahal izango da, urriak 5, 20:15ean
• Programazio berriak dantza, antzerkia, musika eta zinea biltzen ditu, gustu guztietarako eskaintza eta jende guztiarentzat

Amorebieta-Etxanoko Zornotza Aretoak herriko kultur guneko denboraldi berrirako programazioa aurkeztu du. Gustu eta publiko guztientzako proposamenak jasotzen ditu: dantza, antzerkia, musika, zinea eta familientzat eta umeentzat prestatutako ikuskizunak.

Denboraldiari hasiera emateko lehenengo ikuskizuna Wenses y Lala izango da. Elena Olivieriren antzezlan honek baserritar biren istorioa kontatzen du. Hilik daude baina bizitzeko aukera eduki izana ospatzen dute. Hitzordua ostiral honetan izango da, urriaren 5ean, 20:15ean.

Datozen hilabeteetan, Zornotza Aretoan KINE zineklubak antolatutako zortzi zine ziklo ikusi ahal izango dira. Barreterapia, Arrakalak, Egundoko emakumeak, Ongi Etorri Errefuxiatuak, Fmeninoan, Zornotza label eta film laburren maratoiaren IV. edizioa. Gainera, zineklubak hiru zine jardunaldi antolatu ditu mendiari buruz Andrés Espinosa Gogoratuz.Mendi Astea izenarekin.

Zornotza Aretoko programazioa hainbat dantza, antzerki, musika eta zine ikuskizunek osatzen dute. Programa honetan daude denak bilduta:
https://www.ametx.eus/eu/zerbitzuak/areto

La maternidad a debate en Amorebieta-Etxano

– El curso de maternidad, se celebrará los días 24 y 31 de octubre y el 7 de noviembre de 17:30 a 19:30 horas en el Nagusi Aretoa.
– Las mujeres interesadas podrán inscribirse desde hoy lunes 1 de octubre, hasta el día 15 en el teléfono 946300190 o enviando un email a berdintasuna@amorebieta.eus

El área de Igualdad del Ayuntamiento de Amorebieta-Etxano, organiza un taller de maternidad que pretende ofrecer herramientas que permitan a las mujeres-madres construir un lugar distinto para el ejercicio de su maternidad. En el taller se trabajarán las negociaciones internas necesarias para el ejercicio de una maternidad acorde con la madre real que cada una es, con sus posibilidades y circunstancias. En este espacio también se revisarán las creencias que limitan a las mujeres; las emociones que surgen y que paralizan a las mujeres como la culpa y el cuerpo.
El taller tendrá lugar los días 24 y 31 de octubre y el 7 de noviembre de 17:30 a 19:30 horas en el Nagusi Aretoa. Además, también se ofrecerá servicio de guardería.
Las mujeres interesadas podrán inscribirse desde hoy lunes, 1 de octubre hasta el 15 de octubre en el teléfono 94 630 01 90 o en el email berdintasuna@amorebieta.eus .

KINE RALLY MARTXAN DA

KineRally IV. edizioa urriaren 28, 29 eta 30an ospatuko da Amorebieta-Etxanon. KINE Zineklubak, Marieta Soul, Beittu eta Ametx Erankunde Autonomoaren kolaborazioarekin laugarren urtez antolatzen duen laburmetrai lehiaketan, parte-hartzaileek laburmetrai bat pentsatu, grabatu eta editatu beharko dute hogeita lau orduko epean. Ostiralez egingo da aurkezpen ekitaldia Zelaieta Zentroko Auditorioan eta bertan emango zaizkie talde edo banakako parte-hartzaileei lehiaketan parte hartzeko oinarriak, gaiarekin batera. Larunbat iluntzerako aurkeztu beharko dituzte lanak eta igande eguerdiz egingo da sari banaketa Zornotza Aretoan, publiko osoarentzako zabalik egongo den ekitaldi batean. Gainera, lehiaketara aurkeztu diren lan guztiak ikusi ahal izango dira ekitaldian bertan eta 350 euro eta 150 euroko sariak banatuko dira bi lan onenentzat.

Iazko hirugarren edizio arrakastatsuaren ondoren, laugarren edizio honetan ere parte hartzera animatu nahi zaituztegu. Idatzi kinezinekluba@gmail.com helbidera eta parte hartu hitugarren edizio honetan! Sartu gure Facebook-era Kine Rally III-ri buruz gehiago jakiteko: kine-rally.

Euskal Jaia Zornotzan Urriak 20

Datorren urriaren 20an, zapatua, Zornotzako hainbat talde kulturalek Euskal Jaia ospatuko dogu; horretarako, egun osoko egitarau erakargarria prestatu dogu.
Izan be, herriko taldeok urte osoan hainbat jarduera sortzen doguz, baina gitxi dira alkartzeko doguzan aukerak. Beraz, gure asmoa da hurrengo urteetan jarraipena izango dauan Euskal Jaia antolatzea, non herriko taldeok parte hartu eta alkarlanean arituko garen.
Goizean, herriko lau gunetan talde kulturalok musika, dantza, eta abestiekaz alaituko dogu giroa, 13:00ean kalejiran danok batera Zelaieta parkera hurbildu arte. Berton Zaparrada batukadak eta Kittuk dantzan ipiniko gaituez, txalapartariek bazkarirako deitu arte.
Euskal Jaiko bazkaria IRAUNKORek prestatuko deusku, eurek ekoiztutako produktuak erabilita; hain zuzen be, babak – barazki, txorizo eta okelagaz – eta jogurta; edateko, bertoko txakolina eta sagardoa. Bazkarirako txartelak URTZAN eta XIBERUN egongo dira salgai, 15 euroan.
Bazkalostean, bertsolariez, Eneko eta Markelen kantaldiaz eta Inun eta Hormaren kontzertuaz gozatuko dogu. Eguna amaitzeko, Erdizka Lauetan taldeak dantzan ipiniko gaitu.
Ikusten dozuenez, egun bete-betea prestatu dogu, baina arrakastatsua izan daiten danon parte hartzea ezinbestekoa dogu. Gurako geunke baserritar jantzita urtetea. Ganera, egun horretarako beren-beregi Euskal Jaiko zapiak salgai egongo dira.
Animatu eta parte hartu!
ERAKUSKETA. Baserritar arropen erakusketa JAIALDI-ren eskutik (Zelaieta Zentroan urriaren 8tik urriaren 21era)

11:30 – 13:00 KANTALDI ETA DANTZALDIAK (herritik zehar)
12:00 ZAKU BETE IPUIN “Retro-ipuinak” Miren Larrea ipuin kontalariaren eskutik (Zelaietako kontzertu gelan)
13:00 KALEJIRA (herritik zehar)
13:30 ZAPARRADA BATUKADA (Zelaietan Parkean)
14:00 KITTU (Zelaieta Parkean)
TXALAPARTARIAK
15:00 HERRI BAZKARIA (Zelaieta Parkean) IRAUNKOR-en eskutik (txartelak 15€tan, Urtzan eta Xiberun salgai)
16:30 BERTSOLARIAK ETA ABAR BERTSO ESKOLA (Zelaieta Parkean)
17:00 KANTALDIA ENEKO ETA MARKEL (Zelaieta Parkean)
18:30 KONTZERTUA INUN eta HORMA (Zelaieta Parkean)
19:00 ERROMERIA ERDIZKA LAUETAN (Zelaieta Parkean)
Antolatzaileak:
Abeskimu abesbatza/ Alaiak abesbatza/ Andramari Ikastolako dantzari eta trikitilariak/ Andramari Ikastolako Gurasoen Abesbatza/ Brioletak abesbatza/ Ederto txistulariak/ Eneko eta Markel/ Eta Abar Bertso Eskola/ Inun eta Horma/ Iraunkor/ Kittu/ Larrea Eskolako dantzariak/ / Nañon/ Soinutxikie trikitilariak/ Udabarri dantza taldea/ Udazken txistulari taldea/ Urritxe Institutuko trikitilariak/ Xuxurlariak abesbatza/ Zaku Bete Ipuin/ Zaparrada Batukada/ Zornotzako Otxotea/ Zornoza abesbatza/ Zubiaur Musika Eskolako trikitilariak.

Euskaraldian izena emateko epea irekiko dute gaur

Euskaraldia gero eta hurbilago dago. Uda aurretik hainbat herritar ibili dira lanean Euskaraldia ezagutzera emateko ekintzak antolatzen eta horren zabalkundea egiten. Uztailaren 23an (marmitako egunean) Zornotzako kaleetara atera zen Euskaraldia, eta hainbatek parte hartu zenuten, bai AHOBIZI, bai BELARRIPREST rola jokatzeko. Orain izen-emate ofiziala dator.


Joan den irailaren 20an zabaldu zen izena emateko epea. Hona horretarako aukerak:
 Euskaraldiaren web gunean https://euskaraldia.eus/ eta on-line egin.
 Herrian zehar, irailaren 28an hasita, horretarako jarriko diren mahaietan; ostiraletan 19:00etatik 21:00etara, eta larunbatetan 12:00etatik 14:00etara, (zuhur ibili eta bilatu EUSKARALDIAren mahaia).
 www.zornotzarrak.eus web gunean (argazkia behar da)
Izena eman aurretik ondo pentsatu beharko dugu zer izan, AHOBIZI ala BELARRIPREST; horiek eskatzen duten konpromisoa zein den, eta konpromiso hori betetzeko prest ote gauden. Erabakia hartzeko lagungarri izan daiteke ondoko orrian duzuen galdetegia: AHOBIZI ala BELARRIPREST?

www.amorebieta.com – Hilero Zornotzan © 2018

Ir arriba.